অসম কলেজ শিক্ষক সংস্থাৰ মহিলা অভিৱৰ্তনৰ সামৰণি

অসম কলেজ শিক্ষক সংস্থাৰ একাদশ বাৰ্ষিক মহিলা অভিৱৰ্তন শনিবাৰে শিৱসাগৰ জিলাত অনুষ্ঠিত হয় ৷ অসমৰ বিভিন্ন প্ৰান্তৰৰ কলেজৰ অধ্যাপিকাৰ মহামিলন হয় অভিৱৰ্তনখনত ৷

আমগুৰি, 7 নৱেম্বৰ : শিৱসাগৰ জিলাৰ নামতিত শনিবাৰে অসম কলেজ শিক্ষক সংস্থাৰ একাদশ বাৰ্ষিক মহিলা অভিৱৰ্তনখন অনুষ্ঠিত হয় ৷ শিৱসাগৰ জিলাৰ নামতিৰ শ্বহীদ পিয়লি ফুকন মহাবিদ্যালয়ত অসম কলেজ শিক্ষক সংস্থাৰ শিৱসাগৰ মণ্ডলৰ উদ্যোগত আৰু শ্বহীদ পিয়লি ফুকন মহাবিদ্যালয়ৰ শিক্ষক গোটৰ আতিথ্যত অনুষ্ঠিত হয় এই অভিৱৰ্তনখন ৷ পুৱা পতাকা উত্তোলনেৰে অভিৱৰ্তনখন শুভাৰম্ভ কৰে অসম কলেজ শিক্ষক সংস্থাৰ সভাপতি বিশ্বজিৎ ভূঞাই ৷

শিৱসাগৰ মণ্ডলৰ সম্পাদক তথা উদযাপন সমিতিৰ যুটীয়া সম্পাদক প্ৰাঞ্জল প্ৰতিম বৰাই আঁত ধৰা অনুষ্ঠানটোত সাংসদ তপন কুমাৰ গগৈয়ে স্মৃতিগ্ৰন্থ "আইচেং" উন্মোচন কৰে ৷ অভিৱৰ্তনত প্ৰফুল্ল শইকীয়া, ড৹ ধ্ৰুৱজ্যোতি নাথ, ড৹ বিমল চন্দ্ৰ গগৈ, ড৹ প্ৰমোদ বৰগোঁহাই, দীপালী নেওগ, ড৹ মামণি খাৰঘৰীয়া, যুগল ভৰালী, অনিল হাজৰিকা, ৰূপজ্যোতি বৰুৱা, দিলীপ চেতিয়া, ড৹ নন্দিতা গোস্বামী প্ৰমুখ্যে অধ্যক্ষ আৰু অধ্যাপকসকল উপস্থিত থাকে ৷

লগতে পঢ়ক :‘খেলৰত্ন’ লৈ স্ব-গৃহ পালেহি লাভলীনা বৰগোঁহাই