শিৱসাগৰ, 17 আগষ্টঃ সোমবাৰে ৰাজ্যজুৰি অসম জাতীয়তাবাদী যুৱ ছাত্ৰ পৰিষদে চৰকাৰৰ বিৰুদ্ধে সাব্যস্ত কৰে প্ৰতিবাদ ৷ সংগঠনটোৱে জাতিধ্বংসী নাগৰিকত্ব সংশোধনী আইনৰ লগতে কেন্দ্ৰীয় পৰিৱেশ মন্ত্ৰালয়ে গৃহীত কৰিবলৈ বিচৰা EIA 2020 বাতিলৰ দাবীত এই কাৰ্যসূচী গ্ৰহণ কৰে ৷
শিৱসাগৰত 'কা' বাতিলৰ দাবীত মানৱ শৃংখল কাৰ্যসূচী
ৰাজ্যত পুনৰ সক্ৰিয় হৈ উঠিছে 'কা' বিৰোধী আন্দোলন । বিভিন্ন জিলাৰ লগতে শিৱসাগৰতো অসম জাতীয়তাবাদী যুৱ ছাত্ৰ পৰিষদৰ শিৱসাগৰ জিলা সমিতিৰ উদ্যোগত মানৱ শৃংখল কাৰ্যসূচী ৰূপায়ণ কৰা হয় । জাতীয়তাবাদী যুৱ ছাত্ৰ পৰিষদ শিৱসাগৰ জিলা সমিতিয়ে জাতিধ্বংসী নাগৰিকত্ব সংশোধনী আইন চমুকৈ 'কা' বাতিলৰ লগতে EIA-২০২০ হঠকাৰী সিদ্ধান্ত বাতিলৰ দাবীত জিলা উপায়ুক্ত কাৰ্যালয়ৰ সম্মুখত মানৱ শৃংখল কাৰ্যসূচী ৰূপায়ণ কৰে ।