শিৱসাগৰত টাই আহোম যুৱ পৰিষদৰ অৱস্থান ধৰ্মঘট

টাই আহোমক জনজাতিৰ মৰ্যাদা প্ৰদান কৰা, স্বায়ত্ব শাসন ব্যৱস্থা দিয়া, কা বাতিল কৰা আৰু EIA ৰ প্ৰত্যাহাৰ কৰা : অন্যথা আগন্তুক নিৰ্বাচনত প্ৰত্যুত্তৰ দিব 40 লাখ আহোমে ।

শিৱসাগৰ, 19 আগষ্ট: শিৱসাগৰত বুধবাৰে টাই আহোম যুৱ পৰিষদৰ অৱস্থান ধৰ্মঘট । শিৱসাগৰ জিলা উপায়ুক্ত কাৰ্যালয়ৰ সন্মুখত দুই ঘন্টীয়া অৱস্থান ধৰ্মঘট কাৰ্যসূচী ৰূপায়ন কৰে সংগঠনটোৱে ৷

সংগঠনটোৱে টাই আহোমক জনজাতিৰ মৰ্যাদা প্ৰদান কৰা, স্বায়ত্ব শাসন ব্যৱস্থা দিয়া, নাগৰিকত্ব সংশোধনী আইন বাতিল কৰা আৰু EIA ৰ বিৰোধিতাৰে এই প্ৰতিবাদ সাব্যস্ত কৰাৰ লগতে চাৰি দফীয়া দাবী সম্বলিত এক স্মাৰকপত্ৰও ৰাজ্যৰ মুখ্যমন্ত্ৰীৰ লগতে প্ৰধানমন্ত্ৰীলৈ প্ৰেৰণ কৰে ।

আনহাতে এই দাবী পূৰণ কৰাৰ বাবে অনতিপলমে ব্যৱস্থা গ্ৰহণ নকৰিলে ৰাজ্যৰ 40 লাখ আহোমে আগন্তুক নিৰ্বাচনত শাসকীয় বিজেপি দলক উচিত প্ৰত্যুত্তৰ দিব বুলিও সকীয়নি প্ৰদান কৰে ।

লগতে চাওক-মহানগৰীত পণ্যসামগ্ৰীৰ আকাশলংঘী মূল্যবৃদ্ধি