শিলচৰত দুটাকৈ ভয়ংকৰ ঘটনা : নিহত এজন, আহত পাঁচজন

শিলচৰত পৃথকে-পৃথকে সংঘটিত হোৱা দুটাকৈ পথ দুৰ্ঘটনাত নিহত এজন আৰু আহত পাঁচজন ৷ আহতসকল শিলচৰ মেডিকেল কলেজলৈ প্ৰেৰণ কৰা হয় ৷

শিলচৰ,10মাৰ্চ: মঙলবাৰে শিলচৰত পৃথকে-পৃথকে সংঘটিত হয় দুটাকৈ ভয়ংকৰ পথ দুৰ্ঘটনা ৷ দুৰ্ঘটনাটোত এজন নিহত হোৱাৰ লগতে গুৰুতৰভাৱে আহত হয় পাঁচজনকৈ লোক ৷

প্ৰাপ্ত তথ্য অনুসৰি, প্ৰথম দুৰ্ঘটনাটো সংঘটিত হয় ৰংপুৰ দ্বিতীয় খণ্ডত ৷ ৰৈ থকা অৱস্থাত এখন ট্ৰাকক প্ৰচণ্ড জোৰে খুন্দা মাৰে দ্ৰুত গতিত বাইক চলাই অহা দুজন যুৱকে ৷ যাৰ ফলত এজন যুৱক থিতাতে নিহত হোৱাৰ লগতে আগত হয় আন এজন যুৱক ৷ নিহতজন ৰাহুল লোহাৰ বুলি জানিব পৰা গৈছে ৷ আহত সঞ্জু ঠাকুৰত সংকটজনক অৱস্থাত শিলচৰ মেডিকেল কলেজলৈ প্ৰেৰণ কৰা হয় ৷

অন্য এক খবৰৰ বাবে: তিনিচুকীয়াৰ দুৱাৰমৰাত চাঞ্চল্যকৰ হত্যাকাণ্ড

ইফালে, আন এক ভয়ংকৰ ঘটনাই কঁপাই যায় শিলচৰ ৷ ৰংপুৰ থানাৰ সন্মুখত সংঘটিত হয় আনটো দুৰ্ঘটনা ৷ দুখন বাইকৰ মাজত মুখা-মুখি সংঘৰ্ষ হোৱাৰ ফলতেই সংঘটিত হয় দুৰ্ঘটনাটো ৷ দুৰ্ঘটনাটোত আহত হয় চাৰিজন লোক ৷ আহতকেইজনক ভৰ্তি কৰা হয় শিলচৰ মেডিকেল কলেজত ৷