শিলচৰ, 23 জুন : অসম-মিজোৰাম সীমান্তৱৰ্তী অঞ্চলত মিজো দুষ্কৃতিৰ আগ্ৰাসন ৷ দুটাকৈ ঘৰত অগ্নিসংযোগ দুষ্কৃতিকাৰীৰ । কাছাৰ জিলাৰ অসম মিজোৰাম সীমান্তৱৰ্তী লায়লাপুৰত মিজো দুষ্কৃতিৰ আগ্ৰাসন অব্যাহত ৷
জিলাখনত সঘনাই হৈ থকা মিজো দুষ্কৃতিৰ আগ্ৰাসনত অতিষ্ঠ হৈ পৰিছে এই এলেকাৰ স্থানীয় ৰাইজ । আনকি নিশা গভীৰ আন্ধাৰৰ সুযোগ গ্ৰহণ কৰি মিজো দুষ্কৃতিকাৰীয়ে লায়লাপুৰৰ দুটাকৈ ঘৰত অগ্নি সংযোগ কৰাৰো গুৰুতৰ অভিযোগ উত্থাপন হৈছে । এই অগ্নিসংযোগৰ ফলতেই জ্বলি ছাই হ'ল বাঁহৰ দুটা ঘৰ ৷ আনহাতে কথমপি প্ৰাণ ৰক্ষা পৰিল বাসগৃহত থকা দুটাকৈ পৰিয়ালৰ লোকৰ ৷