শিলচৰত কংগ্ৰেছ প্ৰাৰ্থী সুস্মিতা দেৱ

শিলচৰৰ এখন নিৰ্বাচনী সভাত কংগ্ৰেছ প্ৰাৰ্থী সুস্মিতা দেৱে অংশগ্ৰহণ কৰি জনসাধাৰণৰ ওচৰত সদায় থকাৰ আশ্বাস দিয়ে

শিলচৰ,১২ এপ্ৰিলঃ বৃহস্পতিবাৰে নিশা শিলচৰত উপস্থিত হয় কংগ্ৰেছ প্ৰাৰ্থী সুস্মিতা দেৱ । শিলচৰ চহৰৰ মালুগ্ৰামত অনুষ্ঠিত হোৱা এখন নিৰ্বাচনী সভাত অংশগ্ৰহণ কৰে দেৱে । সভাত উপস্থিত হৈ বিজেপি প্ৰাৰ্থী ৰাজদীপ ৰায়ক সমালোচনা কৰি কয়, শিলচৰৰ সমস্যা হ'লে আন কোনো উপস্থিত হয়,নহয় নাজানো কিন্তু মই নিশ্চয় উপস্থিত হ'ম । লগতে মোডীক চাই ভোট দিলে মোডীয়ে আপোনালোকৰ ওচৰত কেতিয়াও নাহে বুলিও মন্তব্য কৰে দেৱে ।

আনহাতে,নাগৰিকত্ব সংশোধনী বিলৰ বিৰোধিতা কৰিও সুস্মিতা দেৱে কয়, "২০১৪ চনৰ ভোটাৰ তালিকাৰ অনুসৰি যি সকলে ভোটদান কৰিছে তাৰ ভিত্তিতেই নাগৰিকত্ব প্ৰদান কৰিব লাগিব " । সুস্মিতা দেৱে দ্বিতীয় পৰ্যায়ৰ নিৰ্বাচনৰ প্ৰচাৰ চলোৱাৰ উদ্দেশ্যৰে শিলচৰৰ সভাত অংশগ্ৰহণ কৰে ।