কাশীপুৰস্থিত CRPFৰ 147 বেটালিয়নত সহকৰ্মীৰ গুলিত নিহত জোৱান

পুনৰ অঘটন কেন্দ্ৰীয় সংৰক্ষিত আৰক্ষী বাহিনী চমুকৈ চিআৰপিএফত ৷ দেশৰ অতিকে পুৰনি তথা বিশ্বৰ ভিতৰতে সৰ্ববৃহৎ অৰ্ধসামৰিক বাহিনীৰ স্বীকৃতি লাভ কৰা চিআৰপিএফত এতিয়া অন্তৰ্কন্দলে খেদি ফুৰিছে ৷ শেহতীয়াকৈ বাহিনীটোৰ 147 বেটালিয়নত সংঘটিত হয় আন এক গুলিয়াগুলিৰ ঘটনা ৷ বেটালিয়নৰ ভীমলেশ উপাধ্যায় নামৰ এগৰাকী জোৱান নিজৰে সহকৰ্মী ধৰমপাল যাদৱৰ গুলিত নিহত হয় ৷ আনহাতে সুৰেন্দ্ৰ কুমাৰ নামৰ আন এগৰাকী জোৱান গুৰুতৰভাৱে আঘাতপ্ৰাপ্ত হয় ৷ এই ঘটনা সংঘটিত হৈছে কাছাৰ জিলাৰ কাশীপুৰস্থিত চিআৰপিএফ কেম্পত ৷

শিলচৰ, 4 ফেব্ৰুৱাৰীঃ পুনৰ অঘটন কেন্দ্ৰীয় সংৰক্ষিত আৰক্ষী বাহিনী চমুকৈ চিআৰপিএফত ৷ দেশৰ অতিকে পুৰনি তথা বিশ্বৰ ভিতৰতে সৰ্ববৃহৎ অৰ্ধসামৰিক বাহিনীৰ স্বীকৃতি লাভ কৰা চিআৰপিএফত এতিয়া অন্তৰ্কন্দলে খেদি ফুৰিছে ৷

সহকৰ্মীৰ গুলিত নিহত জোৱানজন

শেহতীয়াকৈ বাহিনীটোৰ 147 বেটালিয়নত সংঘটিত হয় আন এক গুলিয়াগুলিৰ ঘটনা ৷ বেটালিয়নৰ ভীমলেশ উপাধ্যায় নামৰ এগৰাকী জোৱান নিজৰে সহকৰ্মী ধৰমপাল যাদৱৰ গুলিত নিহত হয় ৷ আনহাতে সুৰেন্দ্ৰ কুমাৰ নামৰ আন এগৰাকী জোৱান গুৰুতৰভাৱে আঘাতপ্ৰাপ্ত হয় ৷

এই ঘটনা সংঘটিত হৈছে কাছাৰ জিলাৰ কাশীপুৰস্থিত চিআৰপিএফ কেম্পত ৷ ইতিমধ্যে শিলচৰ সদৰ আৰক্ষীয়ে অভিযুক্ত ধৰমপাল যাদৱ নামৰ জোৱানজনক গ্ৰেপ্তাৰ কৰিছে ৷ যোৱানিশা সংঘটিত হোৱা এই ঘটনাই পুনৰ এবাৰ বাহিনীটোৰ মাজৰ অন্তৰ্কন্দল প্ৰতিফলিত কৰি তুলিছে ৷ ঘটনা সন্দৰ্ভত আৰক্ষীয়ে তদন্ত আৰম্ভ কৰাৰ লগতে নিহত ভীমলেশ উপাধ্যায়ৰ মৃতদেহটো মৰনোত্তৰ পৰীক্ষাৰ বাবে শিলচৰ মেডিকেল কলেজ হাস্পতাললৈ প্ৰেৰণ কৰিছে ৷ আনহাতে আহত সুৰেন্দ্ৰ কুমাৰো সংকটজনক অৱস্থাত চিকিৎসাধীন হৈ আছে ৷