নলবাৰী, 16 মে' : নলবাৰীত আংশিক লকডাউনৰ সুযোগ গ্ৰহণ কৰি মন্দিৰৰ চুৰি কৰিব অহা দৃশ্য বন্দী হ’ল চি চি কেমেৰাত ৷ এই ঘটনা সংঘটিত হৈছে নলবাৰী চহৰৰ গোপাল বজাৰস্থিত শ্ৰীশ্ৰী দূৰ্গা মন্দিৰ প্ৰাংগণত ৷
উল্লেখ্য যে, দেওবাৰে দিনৰ প্ৰায় 2.20 বজাত এটা চোৰে মন্দিৰৰ পিছৰ গেটৰ তলা ভাঙি পানীৰ মটৰ চুৰি কৰিবলৈ লওতে মন্দিৰৰ ওচৰৰ এঘৰ মানুহে মন্দিৰৰ তলা ভঙাৰ শব্দ শুনি এজন লোক বাহিৰলৈ ওলাই আহে ৷ লগে লগে মানুহ অহাৰ সম্ভেদ পাই চতুৰ চোৰে চুৰি সামগ্ৰী মন্দিৰতে থৈ মন্দিৰৰ সন্মুখৰ পৰা মা দূৰ্গাক সেৱা কৰি ঘটনাস্থলীৰ পৰা পলায়ন কৰে ।