নলবাৰী, 16 ছেপ্টেম্বৰ :শিক্ষাৰ নৱদ্বীপ নলবাৰীত টেট পৰীক্ষাৰ্থীক বিশেষ প্ৰশিক্ষণ দিয়াৰ বাবে বুধবাৰে এক বিশেষ অনুষ্ঠানৰ আয়োজন কৰা হয় । স্বেচ্ছাসেৱী অনুষ্ঠান প্ৰজ্ঞা যোজনাৰ অধীনত নলবাৰী জিলা নাট্য মন্দিৰত অনুষ্ঠিত কৰা হয় এই বিশেষ প্ৰশিক্ষণ কাৰ্যসূচীৰ । অনুষ্ঠানৰ আৰম্ভণিতে নলবাৰীৰ সংস্কৃত পুৰাতন বিশ্ববিদ্যালয়ৰ উপাচাৰ্য তথা প্ৰজ্ঞাৰ সভাপতি দীপক শৰ্মাই বন্তি প্ৰজ্বলন কৰাৰ লগতে আদৰণি ভাষণ প্ৰদান কৰে ।
বিশেষ টেট পৰীক্ষাৰ এই প্ৰশিক্ষণ কাৰ্যসূচীত উপস্থিত থাকে শিক্ষা বিভাগৰ উপদেষ্টা ননীগোপাল মহন্ত । ননীগোপাল মহন্তই জয়ন্ত মল্ল বৰুৱাৰ পদক্ষেপক এক বৌদ্ধিক নেতৃত্ব বুলি উল্লেখ কৰে । তেওঁ বৰ্তমান যুগটো মানৱ সম্পদৰ যুগ বুলি উল্লেখ কৰি প্ৰযুক্তিৰ বিকাশৰ জৰিয়তেহে দেশৰ বিকাশৰ লগতে উন্নয়ন সম্ভৱ বুলি মন্তব্য কৰে ।
নলবাৰীত প্ৰজ্ঞা যোজনাৰ অধীনত বিশেষ টেট পৰীক্ষাৰ প্ৰশিক্ষণ