নলবাৰী, 15 জুন: নলবাৰী জিলাৰ মুকালমুৱা থানাৰ অন্তৰ্গত দমদমা পথাৰত সোমবাৰে নিশা ভয়ংকৰ ডকাইতি কাণ্ড সংঘটিত হয় ৷ জানিব পৰা মতে, ১০/১৫ জনীয়া এটা ডকাইতৰ দলটোৱে নিশা 1:30 মান ঘৰত প্ৰৱেশ কৰি নগদ লক্ষাধিক টকা, সোণৰ গহণাৰ লগতে বিলাসী বাহনখন লৈ যায় ৷
ডকাইতৰ দলটোৱে ঘৰটোৰ দুগৰাকী চিকিৎসক পুত্ৰ হাফিজুৰ ৰহমান আৰু মুস্তাফিজুৰ ৰহমানৰ লগতে পৰিয়ালৰ অন্য সদস্যকো মাৰপিট কৰা বুলি জানিব পৰা গৈছে ৷ জানিব পৰা মতে, সোমবাৰে বৰপেটাৰ বেংকৰ পৰা 1 লাখ টকা উলিয়াই আনিছিল ৷