নলবাৰীৰ সাৰথি হাস্পতালত উত্তপ্ত পৰিস্থিতি

এটি আঢ়ৈ বছৰীয়া কন্যা শিশুৰ মৃত্যুক কেন্দ্ৰ কৰি নলবাৰী জিলাৰ সাৰথি হাস্পতালত উত্তপ্ত পৰিস্থিতিৰ সৃষ্টি হয় ৷ উত্তেজিত লোকে লণ্ড-ভণ্ড কৰিলে চিকিৎসালয়ৰ চৌহদ

নলবাৰী,10 আগষ্ট : নলবাৰী জিলাৰ সাৰথি হাস্পতলত উত্তপ্ত পৰিস্থিতি ৷ এটি আঢ়ৈ বছৰীয়া কন্যা শিশুৰ মৃত্যুক কেন্দ্ৰ কৰি আত্মীয়ই লণ্ড-ভণ্ড কৰে চিকিৎসালয়ৰ চৌহদ ৷

ঘটনা অনুসৰি, শনিবাৰে নিশা পৰিস্মিতা বৰ্মন নামৰ এটি শিশুক সাৰথি নামৰ ব্যক্তিগত চিকিৎসালয়খনত ভৰ্তি কৰা হৈছিল ৷ শিশুটি আক্ৰান্ত হৈ আছিল জটিল ৰোগত ৷ চিকিৎসালয়খনত শিশুটিক ভৰ্তি কৰাৰ পাছতেই ডঃ চুমী মেধি আৰু বিনয় শৰ্মাই ইঞ্জেকচন দিয়ে শিশুটিক ৷ ইয়াৰ পাছতেই শিশুটি মৃত্যুমুখত পৰে ৷ এই ঘটনাক কেন্দ্ৰ কৰি শিশুটিৰ আত্মীয়সকল ক্ষোভিত হৈ পৰে আৰু চিকিৎসালয় খন লণ্ড-ভণ্ড কৰে ৷ পৰৱৰ্তী সময়ত ঘটনাস্থলীত নলবাৰী আৰক্ষী উপস্থিত হৈ পৰিস্থিতি নিয়ন্ত্ৰণ কৰে ৷