নলবাৰী, 21 নৱেম্বৰ :নলবাৰীৰ ৰূপীয়াবাঠানত দেওবাৰে সংঘটিত হয় এক বিধ্বংসী অগ্নিকাণ্ডৰ ঘটনা । ডাঙাপাৰা চুবুৰীৰ ডাঙাৰ দ পথাৰত সংঘটিত হয় এই অগ্নিকাণ্ড । ধাননি পথাৰত সংঘটিত এই অগ্নিকাণ্ডৰ ফলত প্ৰায় ৫০ বিঘা মাটিত কাটি থোৱা ধান সম্পূৰ্ণভাৱে জুইত জাহ যায় । কৃষিভূমিখিনি প্ৰায় ১০/১২ টা পৰিয়ালৰ আছিল ।
অগ্নিকাণ্ড সংঘটিত হোৱাৰ লগে লগে স্থানীয় লোকে নলবাৰী আৰু বেলশৰৰ অগ্নিনিৰ্বাপক বাহিনীক অৱগত কৰে ৷ ইয়াৰ পাছতেই নলবাৰী আৰু বেলশৰৰ পৰা অহা তিনিখন অগ্নিনিৰ্বাপক বাহিনীৰ গাড়ীৰে জুই নিৰ্বাপিত কৰে । অগ্নিকাণ্ডৰ সূত্ৰপাতৰ কাৰণ বৰ্তমানলৈ জানিব পৰা হোৱা নাই যদিও এজন যুৱকে জাবৰৰ দ'মত জুই দিয়াৰ ফলত এই অগ্নিকাণ্ডৰ সূত্ৰপাত হয় বুলি সন্দেহ কৰা হৈছে ।
লগতে পঢ়ক :আমিনগাঁৱত অগ্নিকাণ্ড : ভষ্মীভূত 15 লক্ষাধিক টকাৰ সম্পত্তি