হিমন্ত বিশ্ব শৰ্মাৰ পিতৃৰ গাঁও লাটিমাত উখল মাখল পৰিৱেশ

ড৹ হিমন্ত বিশ্ব শৰ্মাৰ মুখ্যমন্ত্ৰীৰ নাম ঘোষণাৰ পিছতেই নলবাৰীত উখল মাখল পৰিৱেশ । হিমন্তৰ পিতৃ গৃহ গাঁৱতো গঞাৰ মাজত আনন্দমুখৰ পৰিৱেশ সৃষ্টি হোৱা দেখা যায় ৷

নলবাৰী, 9 মে': অৱশেষত নাম ঘোষণা হ’ল অসমৰ মুখ্যমন্ত্ৰীৰ ৷ সোমবাৰে ৰাজ্যৰ পঞ্চদশগৰাকী মুখ্যমন্ত্ৰী হিচাপে শপত গ্ৰহণ কৰিব এসময়ৰ ৰাজ্যৰ প্ৰভাৱশালী মন্ত্ৰী ড৹ হিমন্ত বিশ্ব শৰ্মাই ৷ মুখ্যমন্ত্ৰীৰ নাম ঘোষণাৰ পাচতেই হিমন্ত বিশ্ব শৰ্মাৰ পিতৃৰ গৃহ গাঁৱত আনন্দৰ জোৱাৰ উঠিছে ৷ বিজেপি চৰকাৰৰ দ্বিতীয় কাৰ্যকালৰ বাবে মুখ্যমন্ত্ৰী হিচাপে নাম ঘোষণাৰ পিছতেই নলবাৰী জিলাৰ লগতে ড৹ হিমন্ত বিশ্ব শৰ্মাৰ পিতৃৰ লাটিমা গাঁৱত উছৱমুখৰ পৰিবেশে বিৰাজ কৰিছে ।

জালুকবাৰী সমষ্টিৰ পৰা প্ৰতিনিধিত্ব কৰি অসমৰ ৰাজনীতিত উল্লেখযোগ্য ভূমিকা লোৱা নেতা গৰাকীৰ পিতৃৰ গৃহ গাঁৱত উখল মাখল পৰিৱেশে বিৰাজ কৰা পৰিলক্ষিত হৈছে । ইফালে নলবাৰী পিতৃ গৃহৰ লাটিমাত প্ৰতিজন লোকৰ মাজত আনন্দ আৰু নতুন মুখ্যমন্ত্ৰী লৈ হিয়াভৰা শুভকামনা জনাইছে গাঁওবাসীয়ে ।

লগতে পঢ়ক :বজালীৰ শ্বহীদ মদন ৰাউতা অসামৰিক চিকিৎসালয়ত ক’ভিড প্ৰতিষেধক নাটনি