কলিয়াবৰত তীব্ৰবেগী বাহনে মহতিয়ালে বাইক আৰোহীক

কলিয়াবৰৰ কুঠৰীত তীব্ৰবেগী বাহনে মহতিয়ালে তিনি বাইক আৰোহীক ৷ ঘটনাত গুৰুতৰভাৱে আহত তিনি যুৱক ৷

নগাঁও,2 অক্টোবৰ: কলিয়াবৰৰ কুঠৰীৰ 37 নং ৰাষ্ট্ৰীয় ঘাইপথত শনিবাৰে তীব্ৰবেগী টাটা ম'বাইল বাহনে মহতিয়ালে তিনি বাইক আৰোহীক ৷ এই ঘটনাত গুৰুতৰভাৱে আহত হৈছে কুঠৰীৰ চাইফুদ্দিন আলি,চাহাবউদ্দিন আলি আৰু বাবু চাওঁতাল ৷ গুৰুতৰভাৱে আহত তিনি যুৱকক ততাতয়াকৈ জখলাবন্ধা গ্ৰাম্য চিকিংসালয়লৈ প্ৰেৰণ কৰে আৰক্ষীয়ে ৷

ইয়াৰে বাবু চাওঁতাল নামৰ যুৱকজনক সংকটজনক অৱস্থাত উন্নত চিকিংসাৰ বাবে তেজপুৰ মেডিকেল কলেজ হাস্পতাললৈ প্ৰেৰণ কৰা হয় ৷ আনহাতে,দুৰ্ঘটনা সংঘটিত কৰা টাটা ম'বাইল বাহনখনৰ সন্ধানত অভিযান অব্যাহত ৰাখিছে আৰক্ষী বিভাগে ৷