নগাঁও, 24 আগষ্ট: কিছুদিন আগলৈকে এনকাউন্টাৰৰ ঘটনাৰে চৰ্চাৰ শীৰ্ষত থকা নগাঁও আৰক্ষীক চেলেঞ্জ চোৰৰ (Thief challenged Nagaon police) ৷ ননৈ আৰক্ষী থানাৰ সমীপতে দুখনকৈ দোকানৰ শ্বাটাৰ ভাঙি ওৰে নিশা চোৰে চলালে চাফাই অভিযান । পিছে স্মাৰ্ট আৰক্ষীয়ে গমেই নাপালে চুৰিকাণ্ডৰ বিষয়ে (Theft near police station) । যোৱা নিশা চোৰৰ দলে ননৈ আৰক্ষী চকীৰ সমীপৰ মুদৈ ভাণ্ডাৰ আৰু অসম চিল্ক হাউছ নামৰ দোকান দুখনত লুটপাত চলায় ।
থানাৰ সমীপতে চুৰি কৰি আইচক্ৰীমেৰে পেটপূজা চোৰৰ
চোৰো কম নহয়, লুটপাতৰ শেষত দোকানত থকা আইচক্ৰীম খাই গা জুৰ পেলালে চোৰে (Thief ate ice cream after theft) ৷ হয়ো দিয়কচোন, এই হেন গৰমত শ্বাটাৰ ভঙাৰ পৰা বয়-বস্তু টোপোলা বন্ধালৈকে সকলো কৰোতে ঘামৰ জোল বৈ যায় ৷ সেয়ে আইচক্ৰীম খাই নিশাটোলৈ চুৰি কাৰ্যৰ যৱনিকা পেলালে চোৰে (Theft in Nagaon)৷