নগাঁও, ২৭ এপ্ৰিলঃনগাঁৱৰ পুৰণিগুদামৰ চলচলিত শনিবাৰে পুৱা শিক্ষকৰ অনুপস্থিতিক কেন্দ্ৰ কৰি সৃষ্টি হয় উত্তপ্ত পৰিস্থিতিৰ । স্থানীয় ৰাইজে ৪৮৩নং চলচলি বালক মোক্তাব বিদ্যালয়লৈ শিক্ষক-শিক্ষয়ত্ৰী পলমকৈ অহাৰ অভিযোগ তুলি বিদ্যালয়খনৰ গেটত তলা বন্ধ কৰি সাব্যস্ত কৰে প্ৰতিবাদ । প্ৰায়েই বিদ্যালয়ত অনিয়মীয়া শিক্ষাদান আৰু শনিবাৰে দুপৰীয়া পৰ্যন্ত শিক্ষক-শিক্ষয়িত্ৰীয়ে বিদ্যালয় বন্ধ ৰখাৰ অভিযোগ তুলি স্থানীয় ৰাইজে সাব্যস্ত কৰে এই প্ৰতিবাদ ।
শিক্ষকৰ অনিয়মীয়া উপস্থিতিক লৈ নগাঁৱত প্ৰতিবাদ
ইয়াৰোপৰি স্থানীয় ৰাইজে ৪৮৩নং চলচলি বালক বিদ্যালয়ৰ তলা বন্ধ কৰাৰ লগতে এগৰাকী শিক্ষয়ত্ৰীক আবদ্ধ কৰিও ৰাখে । তাৰোপৰি বিদ্যালয়খনৰ সন্মুখতে থকা ৬৫৯নং চলচলি বালিকা মোক্তাব বিদ্যালয়ৰো দুগৰাকী শিক্ষয়িত্ৰীক পলমকৈ অহাৰ অভিযোগ তুলি বিদ্যালয়ৰ সন্মুখতে বহু সময় ধৰি আৱদ্ধ কৰি ৰখা পৰিলক্ষিত হয় ।