নগাঁও, 4 আগষ্ট : টকিঅ' অলিম্পিক (Tokyo Olympics)ত বক্সিং ৰিঙত বুধবাৰে ছেমিফাইনেলত অৱতীৰ্ণ হ'ব লাভলীনা বৰগোঁহাই (Lovlina Borgohain) । লাভলীনাৰ জয়ৰ বাবে ৰাজ্যৰ বিভিন্ন মঠ, মন্দিৰ, সত্ৰ, দেৱালত চলিছে প্ৰাৰ্থনা । মহাপুৰুষ শ্ৰীমন্ত শংকৰদেৱৰ পবিত্ৰ জন্মস্থান নগাঁৱৰ বটদ্ৰৱা থানতো শুভাকাংশীসকলে ভগৱানৰ ওচৰত প্ৰাৰ্থনা জনাইছে ।
লাভলীনাৰ জয়ৰ বাবে গুৰুজনাৰ জন্মস্থানত নাম- কীৰ্তন
বুধবাৰে পুৱাই বটদ্ৰৱাৰ আইমাতৃ সকলে গুৰুজনাৰ সৃষ্ট নাম-কীৰ্তন গাই লাভলীনাৰ জয়ৰ বাবে প্ৰাৰ্থনা কৰে । সকলোৰে আশা, অসম কন্যা লাভলীনাই ছেমী ফাইনেলত জয়ী হ'ব ৷ শক্তিশালী প্ৰদৰ্শনেৰে বিপৰীত পক্ষক পৰাভূত কৰি চুড়ান্ত খেলত অৱতীৰ্ণ হব। আজুৰি আনিব সোণৰ পদক।