দুদিন ধৰি চিকিৎসালয়ৰ বাৰাণ্ডাতে পৰি ৰ'ল ক’ভিডত মৃত্যু হোৱা লোকৰ মৃতদেহ

নগাঁৱত দুদিন ধৰি চিকিৎসালয়ৰ বাৰাণ্ডাতে পৰি আছে ক’ভিডত আক্ৰান্ত হৈ মৃত্যু হোৱা এজন লোকৰ মৃতদেহ। ইতিমধ্যে এই ঘটনাক কেন্দ্ৰ কৰি আতংকিত হৈ পৰিছে ৰোগী আৰু ৰোগীৰ অভিভাৱক ।

নগাঁও, 29 ছেপ্তেম্বৰ:নগাঁও অসামৰিক চিকিৎসালয়ত স্থাপন কৰা ক’ভিড হাস্পতালত কৰণা ৰোগত আক্ৰান্ত হৈ চিকিৎসাধীন হৈ থকা অৱস্থাতে মৃত্যু হয় এজন লোকৰ । কিন্তু লোকজনৰ মৃত্যুৰ ২৪ ঘন্টা পাৰ হৈ যোৱাৰ পিছতো বিভাগীয় কৰ্তৃপক্ষই কোনো ব্যৱস্থা নোলোৱাৰ অভিযোগ আন ক’ভিদ আক্ৰান্ত ৰোগীৰ ।

উল্লেখযোগ্য যে, সোমবাৰে দুপৰীয়া নগাঁও অসামৰিক চিকিৎসালয়ত স্থাপন কৰা ক’ভিড হাস্পতালত মৃত্যু হৈছিল মৰিগাঁও জিলাৰ বৰভগীয়াৰ তোষেশ্বৰ দাস নামৰ লোকজনৰ ৷ কিন্তু মৃত্যুৰ ২৪ ঘন্টাৰ পিছতো তোষেশ্বৰ দাসৰ মৃতদেহ ক’ভিড হাস্পতালৰ বাৰান্দাতে থৈ দিয়াত বিভিন্ন অসুবিধাৰ সন্মুখীন হৈছে আন ক’ভিদ আক্ৰান্ত ৰোগীসকল ৷

দুদিন ধৰি চিকিৎসালয়ৰ বাৰাণ্ডাতে পৰি ৰ'ল ক’ভিডত মৃত্যু হোৱা লোকৰ মৃতদেহ

তাৰোপৰি নগাঁও জিলা প্ৰশাসনে মৃতদেহটো সৎকাৰৰ কোনো ব্যৱস্থা নকৰাত এক দুৰ্গন্ধময় পৰিবেশ সৃষ্টি হৈছে হস্পিতালখনত। অতি শীঘ্ৰেই মৃতদেহটোৰ সৎকাৰৰ ব্যৱস্থা কৰিবলৈ প্ৰশাসনক আহ্বান জনাইছে চিকিৎসালয়ত থকা ৰোগী আৰু ৰোগীৰ অভিভাৱকে ।
লগতে পঢ়ক: 108 তে সন্তান প্ৰসৱ ক’ভিড-19 আক্ৰান্ত মহিলাৰ