ৰাজহ চক্ৰ বিষয়াৰ কাৰ্যালয়ত ON CAMERA উৎকোচ গ্ৰহণৰ দৃশ্য

ডবকা ৰাজহ চক্ৰ বিষয়াৰ কাৰ্যালয়ত উৎকোচ গ্ৰহণৰ দৃশ্য বন্দী হৈছে কেমেৰাত ৷ সমগ্ৰ ভিডিঅ' পোহৰলৈ অহাৰ পাছতে জাঙুৰ খাই উঠিছে দল - সংগঠন ৷

নগাঁও, 25 ছেপ্টেম্বৰ : দুৰ্নীতিৰ ভূ স্বৰ্গলৈ পৰিণত হৈছে ডবকা ৰাজহ চক্ৰ বিষয়াৰ কাৰ্যালয় ৷ বিভিন্ন সময়ত এই কাৰ্যালয়টোত সাধাৰণ লোকক উৎকোচৰ বাবে কৰ্মচাৰীসকলে হাৰাশাস্তি কৰাৰ অভিযোগ উত্থাপন হৈ আহিছে ৷ সেয়েহে অতিষ্ঠ হৈ ধন দিয়াৰ সময়তে এজন লোকে গোপন কেমেৰাত বন্দী কৰি ৰাখে সমগ্ৰ দৃশ্য ৷

ভিডিঅ'টোত লাট মণ্ডল এজনক পাঁচশ টকীয়া কেইবাখনো নোট আগবঢ়োৱাৰ পাছতো তেওঁ অসন্তুষ্টি প্ৰকাশ কৰে আৰু অৱশেষত টকাখিনি নিজৰ পকেটত ভৰাই ৰাখে ৷ এই দৃশ্য পোহৰলৈ অহাৰ পাছতে জাঙুৰ খাই উঠিছে অঞ্চলটোৰ দল - সংগঠন ৷ উৎকোচ লোৱা লাট মণ্ডলজনক নিলম্বন কৰাৰ লগতে গ্ৰেপ্তাৰৰ দাবী জনাইছে আমছুৱে ৷