নগাঁও, 24 মে' : নগাঁও জিলাৰ আৰক্ষী অধীক্ষক আনন্দ মিশ্ৰই যোগদান কৰাৰ পিছতে নগাঁও আৰক্ষীয়ে অব্যাহত ৰাখিছে ড্ৰাগছ বিৰোধী অভিযান । সোমবাৰে আৰক্ষীয়ে চলোৱা ব্যাপক অভিযানত জিলাখনৰ বিভিন্ন প্ৰান্তৰ পৰা পুনৰ আটক কৰা হয় ১৪ জনকৈ ড্ৰাগছ সৰবৰাহকাৰীক ।
অব্যাহত আছে নগাঁও আৰক্ষীৰ ড্ৰাগছ বিৰোধী অভিযান
নগাঁও চহৰৰ ভূঞাপট্টি, মৰিকলং, কাৱৈমাৰী আদি এলেকাৰ পৰা ড্ৰাগছ ব্যৱসায়ত জড়িত ১৪ জনকৈ লোকক আটক কৰাৰ লগতে 3.5 কেজি গাঞ্জাৰ লগতে বুজন পৰিমাণৰ ব্ৰাউন চুগাৰ জব্দ কৰিবলৈ সক্ষম হয় নগাঁও আৰক্ষীৰ দলে । উল্লেখযোগ্য যে, ড্ৰাগছ ব্যৱসায়ৰ লগত জড়িত থকাৰ অভিযোগত আৰক্ষীয়ে আটক কৰা পপু শইকীয়া আৰক্ষী থানাৰ পৰা পলায়নৰ চেষ্টা কৰে যদিও পুনৰ আৰক্ষী থানা চৌহদৰ পৰাই আটক কৰিবলৈ সক্ষম হয় ।