নগাঁও, 13 এপ্ৰিল: অপৰাধমূলক ঘটনাৰ বিৰুদ্ধে নগাঁও আৰক্ষীৰ তীব্ৰ অভিযান ৷ তীৰৰ ব্যৱসায়ৰ সৈতে জড়িত পিংকো ঘোষ নামৰ এজন লোকক গ্ৰেপ্তাৰ কৰাৰ পিছত আৰক্ষীয়ে অনুসন্ধান চলাই পুনৰ আন দুজন লোকক আটক কৰিবলৈ সক্ষম হয় ৷ নগাঁও আৰক্ষীৰ এটা দলে ফৌজদাৰী পট্টিৰ এহছান আলীৰ লগতে আমোলাপট্টিৰ কুশল দাস নামৰ আন এজন তীৰ ব্যৱসায়ীক আটক কৰে ৷
অপৰাধৰ বিৰুদ্ধে নগাঁও আৰক্ষীৰ তীব্ৰ অভিযান
সমান্তৰালকৈ বিগত কেইদিনত ড্ৰাগছৰ বিৰুদ্ধেও অভিযান চলাই বৃহৎ পৰিমাণৰ গাঞ্জা,হেৰ'ইন,নিচাজাতীয় টেবলেট,চিৰাপ আদি জব্দ কৰাৰ লগতে 52 টা গোচৰ ৰুজু কৰি 99 জনকৈ লোকক গ্ৰেপ্তাৰ কৰিবলৈ সক্ষম হয় । শেহতীয়াকৈ নিচাজাতীয় ঔষধ যোগান ধৰাৰ অভিযোগত নগাঁও চহৰৰ পাঁচখনকৈ ঔষধৰ পাইকাৰী দোকানৰ অনুজ্ঞাপত্ৰ বাতিল কৰে । একেদৰে লক ডাউনৰ সময়ছোৱাত লক ডাউন উলংঘাকাৰীৰ বিৰুদ্ধেও কঠোৰ পদক্ষেপ গ্ৰহণ কৰে নগাঁও আৰক্ষীয়ে ।