নগাওঁ,17 চেপ্তেম্বৰঃ ৰাজ্যত অব্যাহত আছে গৰু সৰবৰাহৰ চোৰাং বেহা। কৰিমগঞ্জ আৰু ধুবুৰীত সঘনাই গৰু সৰবৰাহৰ ঘটনা সংঘটিত হৈ থকাৰ পিচতে নগাঁৱতো পোহৰলৈ আহিছে গৰু সৰবৰাহৰ ঘটনা ৷ চোৰাংভাৱে বহিঃৰাজ্যলৈ গৰু সৰবৰাহৰ কেন্দ্ৰস্থল হৈ পৰিছে নগাঁৱৰ চামগুৰি। চামগুৰিৰ কেইবাখনো ঠাইত গঢ় লৈ উঠিছে চোৰাং গৰুৰ বৃহৎ বজাৰ।
এই সন্দৰ্ভত নগাওঁ আৰক্ষীয়ে ধাৰাবাহিকভাৱে অব্যাহত ৰাখিছে অভিযান ৷ আৰক্ষীৰ অভিযানত সোমবাৰে বিয়লি চামগুৰি আৰক্ষীৰ জালত পৰিল পাঁচটাকৈ চোৰাং গৰু সৰবৰাহকাৰী সহ 22 টাকৈ গৰু । সৰবৰাহকাৰী দলটোৱে চোৰাংভাৱে মেঘালয় অভিমুখে লৈ গৈছিল গৰু কেইটা । ইতিমধ্যে আৰক্ষীয়ে আটক কৰিছে মেঘালয়ৰ মিকি ধৰ,আৰবাজ ধৰ,ক্যানমৌ পাপ'ঙ আৰু চামগুৰিৰ মুকচিদুল ইছলাম আৰু মুক্তাৰ হুছেইনক। ঘটনা সন্দৰ্ভত আৰক্ষীয়ে অব্যাহত ৰাখিছে তদন্ত ৷ গৰুৰ চোৰাং বেহা ৰোধ কৰাৰ বাবে নগাঁও আৰক্ষীয়ে অব্যাহত ৰাখিছে অভিযান ৷