দশমীৰ নিশা নগাঁৱৰ আমবাগানত কিহৰ উত্তেজনা

বিজয়া দশমীৰ নিশা হঠাতে উত্তপ্ত হৈ পৰে নগাঁৱৰ আমবাগান । এজন যুৱকক আৰক্ষীয়ে প্ৰহাৰ কৰাক কেন্দ্ৰ কৰি উত্তাল হৈ পৰে আমবাগান । আৰক্ষীৰ তৎপৰতাত নিয়ন্ত্ৰণ পৰিস্থিতি ।

নগাঁও, 16 অক্টোবৰ :বিজয়া দশমীৰ আনন্দ-উল্লাসৰ মাজতেই শুকুৰবাৰে নিশা নগাঁৱৰ আমবাগানত উত্তপ্ত পৰিস্থিতিৰ সৃষ্টি হয় ৷ আৰক্ষীয়ে এজন যুৱকক প্ৰহাৰ কৰা ঘটনাক কেন্দ্ৰ কৰি নিশা উত্তাল হৈ পৰে আমবাগান অঞ্চল । অৱশেষত পৰিস্থিতি অধিক উত্তাল হৈ পৰাত আৰক্ষীৰ শীৰ্ষ পৰ্যায়ৰ লোক উপস্থিত হৈ পৰিস্থিতি নিয়ন্ত্ৰণ কৰিবলগীয়া হয় ৷

বিজয়া দশমীৰ ৰীতি-নীতি অনুযায়ী দেৱী দুর্গাৰ প্ৰতিমা বিসৰ্জন দিয়াৰ পাছত গৃহাভিমুখে গৈ থকা সময়তে আৰক্ষীয়ে যুৱকজন প্ৰহাৰ কৰাৰ অভিযোগ উত্থাপন হৈছে ৷ আৰক্ষীৰ প্ৰহাৰত গুৰুতভাৱে আহত হয় যুৱকজন ৷ স্থানীয় লোকে তেওঁক ততাতৈয়াকৈ চিকিৎসালয়লৈ প্ৰেৰণ কৰে । আনহাতে এই ঘটনাৰ সম্ভেদ লাভ কৰাৰ পাছতেই উক্ত স্থানত উপস্থিত হয় স্থানীয় শতাধিক লোক ।

ঘটনাক কেন্দ্ৰ কৰি স্থানীয় লোকসকল আৰক্ষীৰ বিৰুদ্ধে প্ৰতিবাদমুখৰ হৈ পৰে । যুৱকজনক বিনা দোষত প্ৰহাৰ কৰাৰ অভিযোগ কৰিছে স্থানীয় লোকে ৷ তেওঁলোকে লগতে যুৱকজনক প্ৰহাৰ কৰা আৰক্ষীৰ বিৰুদ্ধে ব্যৱস্থা গ্ৰহণৰ দাবীত পৰিস্থিতি অধিক উত্তপ্ত কৰি তোলে পৰে । অৱশেষত আৰক্ষীৰ উচ্চপদস্থ বিষয়া উপস্থিত হৈ উপস্থিত লোকসকলক নিয়ন্ত্ৰণ কৰিবলগীয়া হয় ৷

লগতে পঢ়ক :পৰম্পৰাগত পোছাকেৰে বালিসত্ৰ বামন গোঁসাই থানত স্বাস্থ্যমন্ত্ৰী কেশৱ মহন্ত