চামগুৰি,12 জুন :ক'ভিড পৰিস্থিতিত ইতিমধ্যে সমগ্ৰ ৰাজ্যৰ জুৰুলা হৈ পৰিছে সৰ্বসাধাৰণ ৰাইজ ৷ কৰণা প্ৰতিৰোধ কৰাৰ লক্ষ্যৰে ইতিমধ্যে চৰকাৰে ঘোষণা কৰিছে আংশিক লকডাইন ৷ এই লকডাইনত খাদ্য সামগ্ৰীৰ বাবে হাহাকাৰ পৰিস্থিতিৰ সৃষ্টি হৈছে কন্টেইমেন্ট জনৰ লগতে সাধাৰণ ৰাইজৰ ৷ কভিড পৰিস্থিতি জুৰুলা হোৱা লোক সকলৰ বাবে চৰকাৰ তথা জনপ্ৰতিনিধি সকলেও আগবঢ়াইছে সাহাৰ্য ৷ সামান্তৰালকৈ সাংসদ প্ৰদ্যুৎবৰদলৈয়ে শনিবাৰে আউনীআটি সত্ৰ আৰু বঢ়মপুৰ আদৰ্শ গাঁৱৰ কন্টেইমেন্ট জনত থকা লোক সকলৰ মাজত বিতৰণ কৰে অত্যাৱশ্যকীয় সামগ্ৰীৰ লগতে ঔষধ, মাক্স আৰু ছেনিটাইজাৰ ।
ৰাজ্যত বৰ্তি থকা ক'ভিড পৰিস্থিতি নিয়ন্ত্ৰণৰ বাবে চৰকাৰে জাৰি কৰা নতুন SOP য়ে বৰকৈ প্ৰভাৱিত কৰিছে দৰিদ্ৰ পৰিয়াল সমূহক । সমান্তৰাল ভাৱে ক'ভিড-১৯ত আক্ৰান্ত হৈ ঘৰতে হ'ম কুৱাৰেনটাইনত থকা লোক সকলেও অত্যাৱশ্যকীয় সামগ্ৰীৰ বাবে হাহাকাৰ কৰিবলগীয়া হৈছে ৷ এনে সময়তে নগাঁও জিলাৰ বঢ়মপুৰ সমষ্টিৰ অন্তৰ্গত একাংশ দল-সংগঠন, ৰাজনৈতিকে আৰ্তজনক সহায়ৰ হাত আগবঢ়াইছে ।