চামগুৰি, 7 ডিচেম্বৰ : নগাঁও জিলাৰ চামগুৰিৰ এৰাকলং মাজুলী এক কৃষি প্ৰধান অঞ্চল ৷ অঞ্চলটোৰ প্ৰায় ডেৰ শতাধিক কৃষকে দুই হেজাৰ বিঘা মাটিত নিতৌ বিভিন্ন ধৰণৰ শাক-পাচলিৰ খেতি কৰে ৷ অসমৰ বিভিন্ন প্ৰান্তলৈ নিতৌ ৰপ্তানি হয় এই অঞ্চলটোৰ শাক-পাচলিসমূহ ৷
চামগুৰিত কৃষকৰ মাজত হাহাকাৰ
লাভৰ মুখ নেদেখা কৃষকসকলে দীৰ্ঘদিনে উপযুক্ত প্ৰাপ্য লাভৰ পৰা বঞ্চিত হৈ অহাৰ অভিযোগ উত্থাপিত হৈছে ৷ ফলত ক্ষোভিত হৈ পৰিছে কৃষকসকল ৷ ইয়াৰ একমাত্ৰ কাৰণ হৈছে কৃষিক্ষেত্ৰত মধ্যভোগীৰ দৌৰাত্ম্য ৷ অতি কম মূল্যত এৰাকলং মাজুলীৰ পৰা একাংশ মধ্যভোগীয়ে শাক-পাচলি ক্ৰয় কৰি বজাৰত অত্যাধিক দামত বিক্ৰী কৰে ৷ বজাৰত পাচলিৰ মূল্যবৃদ্ধিৰ ক্ষেত্ৰত এচাম মধ্যভোগীৰ প্ৰভাৱ আছে বুলি ক্ষোভেৰে ব্যক্ত কৰে অঞ্চলটোৰ এগৰাকী যুৱকে ৷