নগাঁৱৰ কোৱাৰেন্টাইন কেন্দ্ৰত উত্তপ্ত পৰিস্থিতি !

কোৱাৰেন্টাইন চেন্টাৰত পৰ্যাপ্ত সুবিধা নথকাৰ আৰু স্বাৱ পৰীক্ষাৰ ফলাফল লেহেমীয়া হোৱাত নগাঁৱত উত্তপ্ত পৰিস্থিতি ৷

নগাঁও,20 জুলাইঃ নগাঁও বিদিশা হোটেলত উত্তপ্ত পৰিস্থিতিৰ সৃষ্টি হৈছে ৷ উক্ত হোটেল খনত কোৱাৰেন্টাইন হৈ থকা লোকসকলক দুৰ্ব্যৱহাৰ কৰাৰ অভিযোগ উঠাৰ লগতে স্বাৱ পৰীক্ষাৰ ৰিপৰ্ট' পলম হোৱাৰ বাবেই উত্তপ্ত পৰিস্থিতিৰ সৃষ্টি হয় ৷

সোমবাৰে নগাঁও বিদিশা হোটেলত সৃষ্টি হয় উত্তপ্ত পৰিস্থিতিৰ ৷ হোটেলখনত কোৱাৰেন্টাইনত থকা একাংশ লোকৰ ক্ষোভৰ বহিঃপ্ৰকাশতেই সৃষ্টি হয় উত্তেজনাময় পৰিৱেশৰ ৷ অভিযোগ অনুসৰি হোটেলখনত কোৱাৰেন্টাইন হৈ আছে বহুলোক ৷ তাৰ মাজতেই প্ৰায় সাতদিনৰ পৰা কোৱাৰেন্টাইন হৈ আছিল সেনাৰ বহু কেইজন জোৱান ৷ কৰ্মস্থলীৰ পৰা কেইদিনমানৰ ছুটি লৈ আহিছিল আপোন ঘৰখনলৈ ৷

কিন্তু কৰ'ণাৰ বাবে আপোন ঘৰখনৰ পৰিৱৰ্তে জোৱানসকলে স্বাৱ দিয়াৰ পিছত নিজা খৰচত যাবলগা হয় কোৱাৰেন্টাইনলৈ ৷ তাৰোপৰি জোৱানসকল থকা হোটেলখনত স্বাস্থ্যসন্মত ব্যৱস্থা নথকা আৰু জোৱানসকলৰ স্বাৱ পৰীক্ষাৰ ফলাফল পলম কৰাক লৈ উত্তেজিত হয় জোৱান সকলৰ লগতে হোটেলত কোৱাৰেন্টাইন হৈ থকা অন্যান্য লোকসকলো ৷

লগতে পঢ়ক- গোলাঘাটত স্বাৱ পৰীক্ষা কেন্দ্ৰক লৈ হাহাকাৰ ৰাইজৰ