পৰিশ্ৰম নকৰিলে পৰিৱৰ্তন নাহেঃ সৰ্বানন্দ সোণোৱাল

নগাঁৱত আনন্দৰাম ঢেকিয়াল ফুকন মহাবিদ্যালয়ৰ হীৰক জয়ন্তীৰ সামৰণী অনুষ্ঠানত অংশগ্ৰহণ কৰি ছাত্ৰ ছাত্ৰীক উদ্দেশ্যি মুখ্যমন্ত্ৰী সৰ্বানন্দ সোণোৱালৰ মন্তব্য পৰিশ্ৰম নকৰিলে পৰিৱৰ্তন নাহে । সহজ উপায়েৰে অর্জন কৰাৰ সফলতাৰ স্থায়িত্ব নাই বুলিও উল্লেখ কৰে মুখ্যমন্ত্ৰীগৰাকীয়ে।

নগাওঁ, 12 চেপ্তেম্বৰঃপৰিশ্ৰম নকৰিলে পৰিৱৰ্তন কেতিয়াও নাহে। নগাঁৱৰ আনন্দৰাম ঢেকিয়াল ফুকন মহাবিদ্যালয়ৰ হীৰক জয়ন্তীৰ সামৰণী অনুষ্ঠানত অংশগ্ৰহণ কৰি ছাত্ৰ ছাত্ৰীক উদ্দেশ্যি এই মন্তব্য ৰাজ্যৰ মুখ্যমন্ত্ৰী সৰ্বানন্দ সোণোৱালৰ। ছাত্ৰ ছাত্ৰীৰ জীৱনৰ এই মূল্যৱান সময়ৰ সৎ ব্যৱহাৰ কৰিলে সফল হোৱাটো সম্ভৱ বুলিও উল্লেখ কৰে মুখ্যমন্ত্ৰীগৰাকীয়ে। নিজৰ ভাষণত মুখ্যমন্ত্ৰীৰ মন্তব্য Students life is the golden period of human life। সহজ আৰু চমু পথেৰে অর্জন কৰা ধন আৰু সফলতাই কেতিয়াও স্থায়িত্ব দিব নোৱাৰে বুলিও উল্লেখ কৰে মুখ্যমন্ত্ৰী সোণোৱালে। কিন্তু কঠোৰ পৰিশ্ৰমেৰে লাভ কৰা সফলতাই নিজৰ লগতে ৰাষ্ট্ৰক সুখী কৰাৰ লগতে মানৱ সমাজত আদৰ্শ স্থাপন কৰে সোণোৱালে।

ইপিনে মহাবিদ্যালয়খনৰ হীৰক জয়ন্তীৰ সামৰণি অনুষ্ঠানত অংশগ্ৰহণ কৰি মোদী মন্ত্ৰী সভাত স্থান লাভ কৰা ডিব্ৰুগড়ৰ সাংসদ ৰামেশ্বৰ তেলিয়ে নিজৰ দপ্তৰৰ বিষয়ে জনালে ছাত্ৰ ছাত্ৰীক। বহুতেই হেনো নাজানে ৰামেশ্বৰ তেলীৰ দপ্তৰৰ কাম কি। আনকি দপ্তৰ লোৱাৰ পিছত তালিকা চাইহে নিজেও দপ্তৰ সন্দৰ্ভত জ্ঞাত হোৱা বুলিও উল্লেখ কৰে সাংসদগৰাকীয়ে ।