শিশু শ্ৰমিকৰে ভৰি পৰিছে নগাঁও!

মঙলবাৰে নগাঁও চহৰৰ ভিন্ন অঞ্চলত যৌথ অভিযান চলাই চাইল্ড লাইন আৰু শ্ৰম বিভাগে । অভিযানত উদ্ধাৰ হয় ৭ টাকৈ শিশু শ্ৰমিক

নগাঁও, 28 মে': মঙলবাৰে নগাওঁ চহৰৰ হয়বৰগাঁৱৰ বিভিন্ন দোকানত অভিযান চলাই চাইল্ড লাইন আৰু শ্ৰম বিভাগে ৷ হয়বৰগাঁৱৰ হোটেল, পান দোকান আৰু হাৰ্ডৱেৰ দোকানৰ পৰা শ্ৰম বিভাগ আৰু চাইল্ড লাইনৰ এটা দলে অভিযান চলাই উদ্ধাৰ কৰে ৭ টাকৈ শিশু শ্ৰমিক । শিশু শ্ৰমিক কেইটাক উদ্ধাৰ কৰি দোকানৰ স্বত্বাধিকাৰীৰ বিৰুদ্ধে নগাওঁ সদৰ আৰক্ষী থানাত এজাহাৰ দাখিল কৰে চাইল্ড লাইনে ৷ উল্লেখযোগ্য যে নগাওঁ চহৰৰ বিভিন্ন দোকান তথা ইটাভাটাত এতিয়াও শিশু শ্ৰমিকেৰে ভৰি আছে বুলি উল্লেখ কৰে অভিযানকাৰী দলে ৷