চামগুৰি, 6 জুন : নগাঁও জিলাৰ চামগুৰিৰ ভূৰবন্ধা আৰু লাইলৰিত ক’ভিড-১৯ত আক্ৰান্ত আৰু মৃতকৰ গৃহত উপস্থিত জেষ্ঠ কংগ্ৰেছ নেতা ৰকিবুল হুছেইন । ক’ভিডত আক্ৰান্তলৈ আগবঢ়ালে সহায়ৰ হাত ৷ মৃতকৰ পৰিয়ালৰ কাষত উপস্থিত হৈ সমবেদনা জ্ঞাপন কৰে প্ৰাক্তন মন্ত্ৰী ৰকিবুল হুছেইনে ৷
জানিব পৰা মতে, মৃতকৰ পৰিয়ালক আৰ্থিকভাৱে সহায়ৰ কৰাৰ লগতে ক’ভিডত আক্ৰান্ত ব্যক্তিৰ গৃহত পুষ্টিকৰ খাদ্য বিতৰণ কৰে হুছেইনে ৷ চামগুৰিত থকা কন্টেইনমেন্ট জ’নত থকা পৰিয়ালৰ মাজত চাউল, ডালি, নিমখ, তেল আদি বিতৰণ কৰে বিধায়কগৰাকীয়ে ৷