বিহাৰৰ পৰা নগাঁও আৰক্ষীয়ে আটক কৰিলে এজন শিশু নিৰ্য‍াতনকাৰী

বিহাৰৰ সংবাদ মাধ্যমৰ এক বাতৰিৰ আঁত ধৰি অসমৰ মুখ্যমন্ত্ৰীৰ নিৰ্দেশত কৰায়ত্ব হ'ল বিহাৰৰ সুপৌলৰ পৰা এজন নাৰী তথা শিশু নিৰ্য‍াতনকাৰী (Domestic violence case) ৷ সবিশেষ জানিবলৈ পঢ়ক এই প্ৰতিবেদন...

নগাঁও, 17 জুন: বিহাৰৰ সংবাদ মাধ্যমৰ এক বাতৰিৰ আঁত ধৰি অসমৰ মুখ্যমন্ত্ৰীৰ নিৰ্দেশত কৰায়ত্ব হ'ল বিহাৰৰ সুপৌলৰ পৰা এজন নাৰী তথা শিশু নিৰ্য‍াতনকাৰী ৷ শুকুৰবাৰে এই ঘটনা সন্দৰ্ভত নগাঁও জিলা আৰক্ষী অধীক্ষক লীনা দলে এখন সংবাদমেল আয়োজন কৰে ৷

আৰক্ষী অধীক্ষকগৰাকীয়ে জনোৱা অনুসৰি জীৱন সাথী ডট কমৰ যোগেদি চিনাকী হৈ বিহাৰৰ এজন যুৱকৰ সৈতে কলিয়াবৰৰ জখলাবন্ধাৰ এগৰাকী যুৱতী বিয়াত বহিছিল ৷ পিছে যুৱতীগৰাকী স্বামীগৃহত নানা নিৰ্যাতনৰ সন্মুখীন হয় (Domestic violence case) ৷ অৱশেষত বিহাৰ আৰক্ষীৰ কাষ চাপে মহিলাগৰাকী ৷

তাৰ পিছতে বিহাৰ আৰক্ষীয়ে নিৰ্য‍াতনকাৰী পতি প্ৰিঞ্চ ৰাজ আৰ্য‍ক আটক কৰে ৷ ভুক্তভোগী মহিলাগৰাকীয়ে বিহাৰৰ আশ্ৰয় গৃহত আশ্ৰয় লৈ বিহাৰৰ সংবাদ মাধ্যমৰ জৰিয়তে অসমৰ মুখ্যমন্ত্ৰীক সহায়ৰ আহ্বান জনাইছিল ৷

মহিলাগৰাকীৰ আহ্বানৰ প্ৰতি সঁহাৰি জনাই মুখ্যমন্ত্ৰী ড৹ হিমন্ত বিশ্ব শৰ্মাই নগাঁও আৰক্ষীক মহিলাগৰাকীক উদ্ধাৰৰ বাবে নিৰ্দেশ দিয়ে । ইপিনে, বিগত এপ্ৰিল মাহত বিহাৰ আৰক্ষীৰ সৈতে নগাঁও আৰক্ষীয়ে যোগাযোগ কৰাত বিহাৰ আৰক্ষীয়ে মহিলাগৰাকীৰ লগতে তেওঁৰ কন্যা শিশুটিক অসমলৈ ৰে'লযোগে প্ৰেৰণ কৰে ।

ইফালে ভুক্তভোগী মহিলাগৰাকীৰ পৰা লাভ কৰা প্ৰয়োজনীয় তথ্য আৰু অভিযোগৰ ভিত্তিত বিহাৰ আৰক্ষীয়ে গ্ৰেপ্তাৰ কৰি ৰখা অভিযুক্ত প্ৰিঞ্চ ৰাজ আৰ্য‍ক অসমলৈ আনিবলৈ সক্ষম হয় নগাঁও আৰক্ষী ৷ বৃহস্পতিবাৰে নগাঁৱত উপস্থিত হোৱাত অভিযুক্ত প্ৰিঞ্চ ৰাজ আৰ্য‍ক সোধা-পোচাৰ অন্তত শুকুৰবাৰে জখলাবন্ধা আৰক্ষী নিৱেশলৈ লৈ অহা হয় (Man sent to jail for allegedly harassing child and woman) ।

লগতে পঢ়ক:হোজাইৰ দাৰিয়া বস্তিত উদ্ধাৰ বনৰীয়া হাতীৰ মৃতদেহ