নগাঁও,27 ডিচেম্বৰঃ নৱ বৈষ্ণৱ ধৰ্মৰ প্ৰচাৰক জগত গুৰু শ্ৰীমন্ত শংকৰদেৱৰ পবিত্র জন্মস্থান বটদ্রৱা থানক চৰকাৰে পৰ্যটনৰ কেন্দ্ৰস্থলী ৰূপে গঢ়াৰ প্ৰতিশ্ৰুতি দিয়ে ৰাইজক ৷ ইফালে চৰকাৰৰ তৰফৰ পৰা ১৮৬ কোটি টকা ধন আৱন্টনৰে যোৱাকালি গুৱাহাটীৰ আমিনগাঁৱৰ কুমাৰ ভাস্কৰ বৰ্মন ক্ষেত্ৰত বটদ্ৰৱা থানৰ বিকাশ আৰু সৌন্দৰ্য বৰ্ধনৰ বাবে আধাৰশিলা স্থাপন কৰে কেন্দ্ৰীয় গৃহ মন্ত্ৰী অমিত শ্বাহে।
ইয়াৰোপৰি অসম দৰ্শন আঁচনিৰ অধীনত নগাঁও-বৰদোৱা সংযোগী পথটো চাৰিলেন যুক্ত কৰিবলৈ প্রায় ২০০ কোটি টকা আবন্টন দিয়াৰ কথা ঘোষণা কৰে ৷ লগতে বটদ্ৰৱা থান খনক এক অনন্য সাংস্কৃতিক, ধৰ্মীয় তথা পৰ্যটকৰ আকৰ্ষণ স্থলী ৰূপে প্ৰচাৰ আৰু প্ৰসাৰ কৰিবলৈ অসম চৰকাৰে যি সিদ্ধান্ত গ্ৰহণ কৰিছে, সেই ঐতিহাসিক ক্ষণক লৈ এতিয়া উৎফুল্লিত হৈ পৰিছে বটদ্ৰৱা থানৰ সকলো ভক্তপ্ৰাণ ৰাইজ । চৰকাৰে লোৱা এই পদক্ষেপক সকলো ৰাইজে কৃতজ্ঞতা জ্ঞাপন কৰিছে ৷
লগতে পঢ়ক:ক্ৰমাৎ নিঃচিহ্ন হোৱাৰ পথত লখিমপুৰৰ ঐতিহাসিক ঘূণাসূঁতি
