নগাঁও, 4 নৱেম্বৰ : নগাঁও ক্ৰীড়া সংস্থাৰ উদ্যোগত নুৰুল আমিন ষ্টেডিয়ামত চলি থকা ৭৩ সংখ্যক স্বাধীনতা দিৱস কাপ ফুটবল প্ৰতিযোগিতাৰ দ্বিতীয়খন কোৱাৰ্টাৰ ফাইনেল শনিবাৰে অনুষ্ঠিত হয় । দিবা নৈশ খেলখন(Day Night Football Match)ত তিনিচুকীয়াৰ বদৌচা স্পৰ্টছ ক্লাৱক হৰুৱাই ছেমি ফাইনেলত প্ৰৱেশ কৰে অসম পুলিচ ব্লু দলে ।
কোৱাৰ্টাৰ ফাইনেল খেলখন নিৰ্দ্ধাৰিত সময়ত কোনো এটা দলে গ’ল কৰিবলৈ সক্ষম নোহোৱাত অমীমাংসিত হৈ হয় ৷ অৱশেষত টাইব্ৰেকাৰৰ সহায়ত অসম পুলিচ ব্লু দলে তিনিচুকীয়াৰ বদৌচা স্পৰ্টছ ক্লাৱক ৪-২ গ'লত পৰাস্ত কৰি ছেমি ফাইনেলত প্ৰৱেশ কৰে ৷