নগাঁও, 11 মে’:উৎকোচ বিতৰ্কত নাম সাঙোৰ খাই চৰ্চালৈ আহিছে নগাঁও সদৰ আৰক্ষী থানাৰ মহিলা শাখাৰ ভাৰপ্ৰাপ্ত বিষয়া জোনমণি ৰাভা (SI Joonmoni Rabha viral phone call) ৷ ভাইৰেল হোৱা আন এটা কল ৰেকৰ্ডিঙে যেন বদনামী কৰিলে আৰক্ষী বিষয়াগৰাকীৰ লগতে সমগ্ৰ আৰক্ষী বিভাগক ৷ এই কল ৰেকৰ্ডিং জোনণি ৰাভাৰ বুলি উল্লেখ কৰিছে মাজুলীৰ গড়মূৰৰ এগৰাকী লোকে ৷
জানিব পৰা মতে, মাজুলীৰ অজিত বৰা নামৰ এগৰাকী লোকে গড়মূৰ আৰক্ষী থানাত দাখিল কৰিছে এখন এজাহাৰ ৷ য'ত নাম উল্লেখ আছে নগাঁও সদৰ আৰক্ষী থানাৰ মহিলা শাখাৰ ভাৰপ্ৰাপ্ত বিষয়া জোনমণি ৰাভাৰ (FIR against SI Joonmoni Rabha) ৷ এজাহাৰত মূল অভিযুক্ত কৰা হৈছে মাজুলীৰ ৰানা পগাগক ৷ এছ আই জোনমণি ৰাভাৰ হ’বলগীয়া স্বামী আছিল ৰানা পগাগ (Fraud Rana Pagag arrested)৷ নিজকে অ’ এন জি চিৰ বিষয়া বুলি ভুৱা বুলি পৰিচয় দিয়াৰ অভিযোগত মাত্ৰ কেইদিনপূৰ্বে গ্ৰেপ্তাৰ কৰি ৰানা পগাগল জেল হাজোতলৈ প্ৰেৰণ কৰিছিল এইগৰাকী এছ আই জোনমণি ৰাভাই ৷ ৰানা পগাগৰ বিৰুদ্ধে উত্থাপন কৰিছিল প্ৰৱঞ্চনাৰ অভিযোগ ।
কিন্তু এইবাৰ পোহৰলৈ আহিছে ৰানা পগাগৰ কু-কীৰ্তিৰ সৈতে এছ আই জোনমণি ৰাভা জড়িত থকাৰ কিছু তথ্য ৷ এজাহাৰকাৰী অজিত বৰাই আৰক্ষী থানাত দাখিল কৰা বেংকৰ তথ্যত এছ আই জোনমণি ৰাভাৰ একাউন্টত ধন জমা দিয়াৰ আছে স্পষ্ট প্ৰমাণ ৷