কলিয়াবৰ, 12 আগষ্ট :কেন্দ্ৰীয় চৰকাৰৰ অধীনত চাকৰিৰ এখন অনুমোদন পত্ৰ লাভ কৰাৰ পাছতেই বিপাঙতহে পৰিছে কলিয়াবৰৰ লাঙি গাঁৱৰ জিনু বৰা নাম মহিলাগৰাকী ৷ Department of Communication and Technology, Digital India (Govt of India) ৰ অধীনত পিয়ন চাকৰিৰ বাবে মনোনিত কৰা বুলি মহিলাগৰাকীয়ে ডাকযোগে অহা এখন পত্ৰ লাভ কৰে ৷ এই পত্ৰখনত উল্লেখ থকা অনুসৰি মহিলাগৰাকীয়ে এটা নিৰ্দিষ্ট একাউন্টত ন হাজাৰ পাঁচশ টকা জমা দিলেই পিয়ন হিচাপে নিয়োগ পত্ৰ লাভ কৰিব ৷
কেন্দ্ৰীয় চৰকাৰৰ চাকৰিৰ অনুমোদন পত্ৰ লাভ কৰি বিপাঙত মহিলা পত্ৰখনত লগতে উল্লেখ থকা অনুসৰি পিয়ন হিচাপে নিযুক্তি লাভ কৰাৰ পাছত মহিলাগৰাকীয়ে প্ৰতিমাহে আঠত্ৰিশ হাজাৰ দুশ টকা বেতন লাভ কৰিব ৷ মহিলাগৰাকীৰ ম'বাইলত এই সংক্ৰান্তত মেছেজ অহাৰ লগতে ফোনযোগে পত্ৰত উল্লেখিত ধনৰাশি নিদিষ্ট বেংক একাউন্টত জমা দিবলৈ নিৰ্দেশ দিয়া হৈছে । ফোনযোগে মহিলাগৰাকীক প্ৰেৰণ কৰা প-পত্ৰ পূৰণ কৰি নিদিষ্ট একাউন্টত ধনখিনি জমা দিলেই পিয়ন হিচাপে নিয়োগ পত্ৰ লাভ কৰিব ।
কেন্দ্ৰীয় চৰকাৰৰ চাকৰিৰ অনুমোদন পত্ৰ লাভ কৰি বিপাঙত মহিলা তাপৰ্যপূৰ্ণ যে, Department of Communication and Technology, Digital India (Govt of India)ই জিনু বৰালৈ অনুমোদন পত্ৰ প্ৰেৰণ কৰা চাকৰিটোৰ বাবে তেওঁ আবেদনেই কৰা নাছিল ৷ লক্ষ লক্ষ যুৱক-যুৱতীয়ে চাকৰিৰ বাবে তাঁত-বাটি কাঢ়ি থকা সময়তে চাকৰিৰ বাবে আবেদন নকৰাকৈয়ে অনুমোদন পত্ৰ অহা ঘটনাই নিশ্চয়কৈ তাৎপৰ্য বহন কৰিছে ৷
কেন্দ্ৰীয় চৰকাৰৰ চাকৰিৰ অনুমোদন পত্ৰ লাভ কৰি বিপাঙত মহিলা কোনো দুষ্টচক্ৰই পুনৰ ৰাজ্যত ভুৱা নিযুক্তিৰ নামত জাল পতা নাইতো ? নে কোনো জালিয়াতি চক্ৰই Department of Communication and Technology, Digital India (Govt of India)"ৰ নামত চাকৰি দিয়াৰ প্ৰলোভনেৰে ধন হৰলুকি কৰাৰ ফন্দি কৰিছে । এই চক্ৰটোৱে দিল্লীৰ পৰাই ডাকযোগে বিভিন্ন লোকলৈ প্ৰেৰণ কৰিছে চাকৰিৰ অনুমোদন পত্ৰ । সাৱধান ৰাইজ ! এই চক্ৰটোৰ পৰৱৰ্তী লক্ষ্য হয়তো আপুনিও হ’ব পাৰে ৷
লগতে পঢ়ক :চফ্ৰাইৰ শিশুটিক দেউতাকেই তুলি দিলে নেকি মৃত্যুৰ কোলাত !
