বটদ্ৰৱা, ২৮ জুলাই : প্ৰলয়ংকাৰী বানত খেতি পথাৰ নিঃশেষ হৈ যোৱা কৃষক সকলক চৰকাৰে আগবঢ়াইছে উন্নত মানৰ কঁঠীয়া । নগাঁও জিলা কৃষি বিভাগৰ উদ্যোগত সেউজ বিপ্লৱ আঁচনিৰ অধীনত শনিবাৰে ৰঞ্জিত চাব -১ নামৰ ধানৰ বীজ আৰু কঁঠীয়া নগাঁৱৰ বৰক'লাৰ আটিগাঁও,পালেং তলী,বুঢ়াগোহাঁই আৰু সিং গাঁও আদি বিভিন্ন অঞ্চলৰ ২৫ হেক্টৰ কৃষিভূমিত ৰোপণ কৰা হয় । জিলাখনৰ উপায়ুক্ত যাদৱ শইকীয়াই কৃষি বিভাগৰ বিষয়া-কৰ্মচাৰী লগতলৈ নিজেই বানে বিনষ্ট কৰা খেতি পথাৰত নামি ভূঁই ৰুই কঁঠীয়া সিঁচি শুভাৰম্ভ কৰে চৰকাৰৰ এই অভিলাষী আচনিৰ ।
শাওণৰ পথাৰত নগাঁৱৰ উপায়ুক্ত
লং পেন্ট কোচাই পথাৰত ৰোৱনীৰ লগত ভূঁই ৰুলে নগাঁৱৰ উপায়ুক্ত যাদৱ শইকীয়াই । লগত জিলা কৃষি বিভাগৰ বিষয়া কৰ্মচাৰীলৈ বানাক্ৰান্তৰ মাজত বিতৰণ কৰিলে কঁঠীয়া ।
বানাক্ৰান্তৰ মাজত কঁঠীয়া বিতৰণ
বানাক্ৰান্ত ৰাইজৰ কাষত উপায়ুক্ত আৰু কৃষি বিভাগৰ লোক থিয় দিয়াত স্বাভাৱিকতে উৎসাহিত হৈ পৰা পৰিলক্ষিত হয় পৰিছে বানপীড়িত লোকসকল । উল্লেখ্য যে, পূৰ্বাঞ্চলৰ সেউজ বিপ্লৱ আঁচনিৰ অধীনত শালিধানৰ ৰঞ্জিত চাব-১ নামৰ উন্নত ধান বিধ বানপানী হোৱা ঠাইত বৰ উপযোগী । ১৫ দিন পানীৰ তলত থাকিলেও এই ধান বিধৰ কোনো ক্ষতি নহয় ।
শাওনৰ পথাৰত নগাঁৱৰ উপায়ুক্ত