তিতাবৰ, 6 জুন:তিতাবৰৰ চুঙীৰ পৰা দেওবাৰে আৰক্ষীয়ে এটা গঁড়ৰ খৰ্গ উদ্ধাৰ কৰাৰ লগতে দুটা চোৰাং চিকাৰীক আটক কৰে(Rhino horn recovered at Titabor) । তিতাবৰ মহকুমা আৰক্ষী বিষয়া মৈত্ৰেয়ী ডেকা, তিতাবৰৰ ভাৰপ্ৰাপ্ত আৰক্ষী বিষয়া নয়নমণি সিনহা আৰু সহকাৰী উপ পৰিদৰ্শক নৱ শইকীয়াই যৌথভাৱে অভিযান চলাই উদ্ধাৰ কৰে খৰ্গটো ৷
উদ্ধাৰ কৰা গঁড়ৰ খৰ্গটো ওজন প্ৰায় 700 গ্ৰাম বুলি জানিব পৰা হৈছে ৷ আনহাতে আটক কৰা চোৰাং চিকাৰী দুটা আজিজুৰ ৰহমান আৰু ৰাজেন বাউৰী বুলি চিনাক্ত কৰা হৈছে ৷ গঁড়ৰ খৰ্গটো বিক্ৰী কৰিবলৈ অহাৰ সময়তে আৰক্ষীৰ দলটোৱে খৰ্গটো উদ্ধাৰ কৰাৰ লগতে চোৰাং চিকাৰী দুটাক আটক কৰে(Two poachers arrested at titabor) ৷