কংগ্ৰেছৰ ছুনামীত যোৰহাটত তচনচ হ’ব বিজেপি !

শুকুৰবাৰে প্ৰথম পৰ্যায়ৰ লোকসভা নিৰ্বাচনৰ বাবে যোৰহাট সমষ্টিত মনোনয়ন পত্ৰ দাখিল কৰে কংগ্ৰেছ প্ৰাৰ্থী সুশান্ত বৰগোঁহায়ে ৷ মনোনয়ন পত্ৰ দাখিল কৰি বিজেপিৰ বিৰুদ্ধে সোচ্চাৰ হৈ পৰে যুৱ নেতাগৰাকী ৷

যোৰহাট, 22 মাৰ্চঃ বিশাল জনসমদলেৰে যোৰহাট লোকসভা সমষ্টিৰ কংগ্ৰেছ প্ৰাৰ্থী সুশান্ত বৰগোঁহায়ে শুকুৰবাৰে দাখিল কৰে মনোনয়ন পত্ৰ ৷ মনোনয়ন পত্ৰ দাখিলৰ সময়ত গোঁহাইক সংগ দিয়ে মৰিয়নিৰ বিধায়ক ৰূপজ্যোতি কুৰ্মীয়ে ৷ সাংবাদিকৰ সৈতে হোৱা সাক্ষাৎকাৰত সুশান্ত বৰগোঁহায়ে কয় যে, যেতিয়া ধুমুহা আহে তেতিয়া কাকো নেৰে , কংগ্ৰেছৰ ছুনামী আহিছে এতিয়া যোৰহাটলৈ, গতিকে এই লোকসভা সমষ্টিটোত জয় নিশ্চিত হৈ পৰিছে কংগ্ৰেছৰ ৷

উল্লেখ্য যে, যোৰহাট লোকসভা সমষ্টিত এইবাৰ প্ৰতিদ্বন্দিতা আগবঢ়োৱা কংগ্ৰেছ আৰু বিজেপিৰ দুয়োজন প্ৰাৰ্থীয়ে হৈছে শিৱসাগৰ জিলাৰ ৷ গতিকে তেনে ক্ষেত্ৰত দুয়োজন যুৱ নেতাৰ মাজত যোৰহাট সমষ্টিত যুঁজ হ’ব অধিক শক্তিশালী ৷ সময়েহে ক’ব যোৰহাট কোনে শেষ হাঁহি ? তপন নে সুশান্ত ?