যোৰহাট, 11 ফেব্ৰুৱাৰী : বিশিষ্ট লেখিকা অনিতা বৰুৱা আৰু নাই ( Writer Anita Baruah is no more) ৷ মৃত্যুৰ সময়ত তেখেতৰ বয়স আছিল 84 বছৰ ৷ দুমাহ পূৰ্বে ক’ভিডত আক্ৰান্ত হৈ সুস্থ হৈছিল যদিও পুনৰ অসুস্থ হৈ পৰিছিল বিশিষ্ট লেখিকাগৰাকী ৷ নিজৰ ঘৰতে থাকি চিকিৎসাধীন অৱস্থাত শুকুৰবাৰে ইহলীলা সম্বৰণ কৰে লেখিকা গৰাকীয়ে ৷
1938 চনত যোৰহাটৰ বড়িগাঁৱত জন্ম গ্ৰহণ কৰা অনিতা বৰুৱাই স্কুলীয়া দিনৰ পৰাই কৰি আহিছিল সাহিত্য চৰ্চা । তেওঁৰ শিশু-উপযোগী গল্প আৰু অন্যান্য লেখা অসমৰ কেইবাখনো আগশাৰীৰ বাতৰি কাকতৰ অকণিৰ শিতানত প্ৰকাশ হৈছে ।
শিশু-সাহিত্যিক হিচাপে খ্যাতি লাভ কৰা অনিতা বৰুৱাৰ ইতিমধ্যে প্ৰকাশিত শিশু-উপযোগী কিতাপ কেইখন ক্ৰমে, সোণমণিৰ সোণালী শৈশৱ (2003), অকণিৰ গল্প (2005), অসমীয়া সাহিত্যিকৰ জীৱনী (2006), গৌতম আৰু মালতীহঁতৰ কথা (2009), আইতা আৰু সোণমণিহঁত (2010), এদিন মুকুট নগৰলৈ আহিছিল (2013), লুইতে উজাই আহোঁতে (2014), আইতা আৰু নাতিহঁত (2016), মহৎ লোকৰ জীৱনী (2018), চম্পাৰ মৰমৰ ঘৰখন (2019) আৰু ভাল মানুহৰ কথা (2021) ।