যোৰহাট, 28 মেঃ যোৰহাট চিকিৎসা মহাবিদ্যালয়ৰ পৰা কৰ'ণা ভাইৰাছত আক্ৰান্ত 1 জন লোকক মুকলি কৰি দিয়া হয় ৷ ইয়াৰোপৰি 9 গৰাকী পজিটিভ ৰোগীৰ সংস্পৰ্শলৈ অহা লোকক মুকলি কৰি দিয়ে স্বাস্থ্য বিভাগে ৷
যোৰহাটত কৰ'ণাত আক্ৰান্ত 1জন, সংস্পৰ্শলৈ অহা 9 জনক মুকলি
যোৰহাটৰ ছেউনী আলিৰ কৰ'ণা ভাইৰাছত আক্ৰান্ত শালিনী মাল(৪০)ক ২৭ মে'ত যোৰহাটৰ চিকিৎসা মহাবিদ্যালয়ৰ পৰা মুকলি কৰি দিয়া হয় । বিগত ১৬ মে'ত দাৰ্জিলিংৰ পৰা আহি যোৰহাটত উপস্থিত হৈছিল মহিলাগৰাকী ৷ ১৯ মে'ত স্বাস্থ্য পৰীক্ষাৰ অন্তত শালিনী মাল কোভিড-19ত আক্ৰান্ত হোৱা বুলি ৰিপৰ্ট ওলাইছিল । ইয়াৰ পাছতে যোৰহাট চিকিৎসা মহাবিদ্যালয়ত ভৰ্ত্তি কৰা হৈছিল শালিনীক ।
ইতিমধ্যে চিকিৎসাৰ অন্তত কৰ'ণা নিগেটিভ পোৱাত আজি চিকিৎসা মহাবিদ্যালয়ৰ পৰা মুকলি কৰি দিয়া হয় মহিলাগৰাকীক । যোৰহাট জিলা উপায়ুক্ত ৰশ্মি অপাৰঞ্জী কৰাটী উপস্থিতিত গামোচাৰে সম্ভাষণ জনোৱা হয় কৰ'ণা মুক্ত শালিনীক ।