অসম

assam

ETV Bharat / city

যোৰহাটৰ 1নং সোণাৰী গাঁও কন্টেইনমেন্ট জ'ন ঘোষণা ! - সোণাৰী গাঁও

যোৰহাট জিলাৰ ১নং সোনাৰী গাঁৱৰ লক্ষ্যজীৎ বৰদলৈ নামৰ যুৱকজনৰ দেহত ধৰা পৰিছে কৰ'ণা ভাইৰাছৰ উপস্থিতি ৷ ইতিমধ্যে উক্ত গাঁওখন কন্টেইনমেন্ট জ'ন হিচাপে ঘোষণা কৰিছে জিলা প্ৰশাসনে।

Jorhat 1 No Sonari Village containment_zone Declared by Administration
যোৰহাটৰ 1নং সোণাৰী গাঁও কন্টেইনমেন্ট জ'ন ঘোষণা !

By

Published : Jun 20, 2020, 6:51 PM IST

যোৰহাট, 20 জুনঃযোৰহাটৰ ১নং সোনাৰী গাঁৱৰ ১ নং বাইলেন কন্টেইনমেন্ট জ'ন হিচাপে ঘোষণা কৰিছে জিলা প্ৰশাসনে। গাঁও খনৰ লক্ষ্যজীৎ বৰদলৈ নামৰ এজন যুৱকৰ দেহত ধৰা পৰিছে কৰ'ণা ভাইৰাছৰ উপস্থিতি ৷

ঘটনা অনুসৰি যোৰহাট জিলাৰ ১নং সোনাৰী গাঁৱৰ লক্ষ্যজীৎ বৰদলৈ নামৰ যুৱকজনে ১২ জুনত ডিফুলৈ গৈছিল ৷ তাৰ পৰা ৰে'লযোগে ওভতি আহিছিল যোৰহাটৰ বাসগৃহলৈ । উল্লেখ্য যে,১৮ জুনত যুৱকজনৰ গা বেয়া লগাত যুৱকজনে নিজেই স্বাৱ পৰীক্ষা কৰিছিল যোৰহাট চিকিৎসা মহাবিদ্যালয় হাস্পতালত । শনিবাৰে যুৱকজনৰ দেহত কোভিড-১৯ত আক্ৰান্ত হোৱা বুলি ৰিপৰ্ট আহে ।

যোৰহাটৰ 1নং সোণাৰী গাঁও কন্টেইনমেন্ট জ'ন ঘোষণা !

আনহাতে, যুৱকজন কৰ'ণা পজিটিভ পোৱাৰ আগলৈকে কোৱাৰেন্টাইন হৈ থকা নাছিল । তাৰোপৰি ষ্টাৰ হেল্থ ইণ্ডিয়া ইঞ্চুৰেন্স কোম্পানীত কৰ্মৰত আছিল যুৱকজন । ১৯ জুনৰ দিনাও যোৰহাট চহৰৰ মিঠাপুখুৰিস্থীত কাৰ্যালয়ত উপস্থিত আছিল যুৱকজন। আনহাতে ঘৰৰ কাষৰ এখন বিবাহ অনুষ্ঠানতো উপস্থিত আছিল যুৱকজন। ইতিমধ্যে সোণাৰী গাঁৱৰ প্ৰায় ৩৮ জন যুৱকৰ সৈতে সংস্পৰ্শলৈ আহিছিল বুলি জানিবলৈ পোৱা গৈছে যুৱকজন। ইতিমধ্যে যুৱকজনক প্ৰশাসনে যোৰহাট চিকিৎসা মহাবিদ্যালয়লৈ প্ৰেৰণ কৰিছে ৷ যুৱকজনৰ বাসগৃহটো কন্টেইনমেন্ট জ'ন হিচাপে বন্ধ কৰি দিয়াৰ লগতে সমগ্ৰ ১নং বাইলেনটো বন্ধ কৰি দিছে যোৰহাট জিলা প্ৰশাসনে । উক্ত ঘটনাৰ ফলত সমগ্ৰ অঞ্চলটো এতিয়া তীব্ৰ কৰ'ণাতংকৰ সৃষ্টি হৈছে স্থানীয় লোক সকলৰ মাজত ৷

লগতে পঢ়ক- কৰিমগঞ্জ জিলা কাৰাগাৰৰ পৰা তিনিজনকৈ কাৰাবন্দীৰ পলায়ন

ABOUT THE AUTHOR

...view details