টীয়ক, 12 জুন : যোৰহাট জিলাৰ টীয়ক গায়ন গাঁৱৰ ঋতু বৰা নামৰ যুৱতীগৰাকীৰ মৃতদেহ ঘৰৰ সমীপৰ এটা পুখুৰীত উদ্ধাৰ হয় ।
প্ৰাপ্ত তথ্য মতে বুবুল বৰা নামৰ ব্যক্তিজনৰ ভগ্নী ঋতু বৰা যোৱা নিশাৰ পৰা নিৰুদ্দেশ হৈ আছিল আৰু পৰিয়ালৰ লোকে কোনো সম্ভেদ নাপাই টীয়ক আৰক্ষীৰ ওচৰ চাপিছিল । কিন্তু পৰৱৰ্তী সময়ত ওচৰ চুবুৰীয়াই বিচাৰ খোচাৰ কৰি ঘৰৰ কাষৰ এটা পুখুৰীত ওপঙি থকাৰ অৱস্থাত যুৱতীগৰাকীৰ মৃতদেহ উদ্ধাৰ কৰে ।
টীয়কত যুৱতীৰ মৃতদেহ উদ্ধাৰ স্থানীয় ৰাইজৰ অভিযোগ মতে, যুৱতীগৰাকীয়ে অত্যাধিক মানসিক চাপত পৰি আত্মহত্যাৰ পথ বাছি লয় । উল্লেখযোগ্য যে, যুৱতীগৰাকীক সৰু সৰু কথাতে পৰিয়ালৰ লোকে শাৰীৰিক অত্যাচাৰ কৰাৰ লগতে বহু দিন অনাহাৰে থকাৰ কথাও চুবুৰীয়াই জানিবলৈ দিছে । পৰৱৰ্তী সময়ত টীয়ক আৰক্ষী সহযোগত যুৱতীগৰাকীৰ মৃতদেহ উদ্ধাৰ কৰি মৰনোত্তৰ পৰীক্ষাৰ বাবে যোৰহাট চিকিৎসা মহাবিদ্যালয়লৈ প্ৰেৰণ কৰিছে ।
লগতে পঢ়কঃঅন্ত্যেষ্টিক্ৰিয়া সম্পন্ন বাঘজান কাণ্ডত নিহত তিখেশ্বৰ গোঁহাইৰ
