তিতাবৰ, 4 মে':সমগ্ৰ ৰাজ্যতেই এতিয়াক'ভিডে ভয়ংকৰ ৰূপ ধাৰণ কৰাৰ পাছতো সচেতন হোৱা নাই একাংশ লোক। দেশত দৈনিক ক'ভিডত আক্ৰান্ত হৈ মৃত্যু মুখত পৰিছে হাজাৰ হাজাৰ লোক ৷ ইয়াৰ পাছতো যেন ক'ভিডক লৈ একাংশ অচেতন লোকে ল'ৰা ধেমালি কৰাৰ বাতৰি পোহৰলৈ আহিছে।
বেকাজানত ধোৱা চাঙত উঠিল ক'ভিড প্ৰট'কল !
মঙলবাৰে তিতাবৰৰ বেকাজান সাপ্তাহিক বজাৰতো পৰিলক্ষিত হৈছে তেনে এক দৃশ্য। কৰ’ণা প্ৰতিৰোধৰ বাবে চৰকাৰ তথা প্ৰশাসনে জাৰি কৰা ক'ভিডৰ নীতি নিৰ্দেশনাক বুঢ়া আঙুলি দেখুৱাই ব্যাপক জন সমাৱেশেৰে অনুস্থিত হৈছে সাপ্তাহিক বজাৰখন।