যোৰহাটৰ উপায়ুক্ত কাৰ্যালয়ত মুখ্যমন্ত্ৰীৰ তদাৰকী কোষৰ অভিযান

যোৰহাটৰ উপায়ুক্ত কাৰ্যালয়ত বিকেন্দ্ৰীকৃত পৰিকল্পনা শাখাত মুখ্যমন্ত্ৰীৰ তদাৰকী কোষৰ অভিযান ৷ বহুকেইখন আঁচনিৰ ৰূপায়নত বৃহৎ কেলেংকাৰীৰ অভিযোগৰ ভিত্তিতে অভিযান ৷

যোৰহাট, 23 ফেব্ৰুৱাৰী :যোৰহাটৰ উপায়ুক্ত কাৰ্যালয়ৰ বিকেন্দ্ৰীকৃত পৰিকল্পনা শাখাত মুখ্যমন্ত্ৰীৰ তদাৰকী কোষৰ অভিযান ৷ 2011 চনৰ পৰা 2017 চনলৈকে মৰিয়নী বিধানসভা সমষ্টিত বিধায়ক উন্নয়ন পুঁজিত সংঘটিত কেলেংকাৰীৰ তদন্তৰ বাবে উপস্থিত হয় দলটো ৷

অভিযোগ অনুসৰি এই সময়ছোৱাত মৰিয়নী সমষ্টিত ৰূপায়ণ হৈছিল প্ৰায় 700 খন আঁচনি ৷ ইয়াৰে একাংশ আঁচনিৰ ৰূপায়ণত বৃহৎ কেলেংকাৰী সংঘটিত হোৱাৰ অভিযোগ উৎথাপন হৈছিল ৷

এই অভিযোগৰ তদন্তৰ বাবেই মুখ্যমন্ত্ৰীৰ তদাৰকী কোষৰ এটা বৃহৎ দলে মঙলবাৰে যোৰহাটৰ উপায়ুক্ত কাৰ্যালয়ৰ পৰিকল্পনা শাখাত অভিযান চলাই বৃহৎ পৰিমাণৰ নথিপত্ৰ জব্দ কৰি তদন্ত আৰম্ভ কৰিছে ৷

লগতে পঢ়ক :দৰং গৃহৰক্ষী বাহিনীৰ নিযুক্তিত অনিয়ম : বিষয়াৰ বদলিকৰণৰ দাবী