যোৰহাট, 9 ছেপ্তেম্বৰ :মৰ্মান্তিক ৷ এক হৃদয় বিদাৰক ঘটনা । কালিকালগা বুধবাৰৰ দিনটোত মাজুলীৰ নিমাতীঘাটত সংঘটিত হয় এক ভয়াৱহ নৌকা দুৰ্ঘটনা ৷ নিমাতীঘাটৰ পৰা কমলাবাৰী ঘাটলৈ বুলি ৰাওনা হোৱা ফেৰী দুৰ্ঘটনাগ্ৰস্ত হৈ হঠাৎ ডুব গৈছিল মহাবাহুৰ বুকুত । বুধবাৰৰ পৰাই ইটিভি ভাৰতত সম্প্ৰচাৰিত হৈছে এই দুৰ্ঘটনাৰ বাতৰিৰ সবিশেষ ৷
লগতে পঢ়ক:নিমাতীঘাটত মৰণমুখী মানুহৰ আৰ্তনাদ
দেশ তথা ৰাজ্যক জোকাৰি গৈছে এই ঘটনাই ৷ প্ৰকৃততে কিমানগৰাকী লোকক লৈ যাত্ৰা কৰিছিল দুৰ্ঘটনাগ্ৰস্ত ফেৰীখনে, তাৰ সঠিক তথ্য নাছিল আভ্যন্তৰীণ জল পৰিবহন বিভাগৰ হাতত । সমগ্ৰ ৰাজ্য কঁপাই যোৱা এই ঘটনা সন্দৰ্ভত ইতিমধ্যে যোৰহাট জিলা প্ৰশাসনে প্ৰকাশ কৰিছে সন্ধানহীন ব্যক্তিৰ তালিকা । এই তথ্য অনুসৰি বৰ্তমানলৈকে সন্ধানহীন হৈ আছে 7 গৰাকী নৌকা যাত্ৰী ৷