মৰিয়ণীত ৰে'লৰ খুন্দাত থিতাতে নিহত এজন যুৱক

মৰিয়নীৰ ৰে'ল আলিত শনিবাৰে সংঘটিত হয় এটা ভয়ংকৰ পথ দুৰ্ঘটনা ৷ ৰে'লৰ খুন্দাত থিতাতে নিহত হয় এজন যুৱকৰ ৷

যোৰহাট, 24 এপ্ৰিল:যোৰহাট জিলাৰ মৰিয়নীৰ ৰাজহ চক্ৰ বিষয়া কাৰ্যালয়ৰ সন্মুখৰ ৰে'ল আলিত শনিবাৰে দিনৰ ভাগত সংঘটিত হয় এটা ভয়ংকৰ পথ দুৰ্ঘটনা ৷ নামনিমুৱা এখন ৰে'লৰ খুণ্ডাত থিতাতে নিহয় হয় এজন যুৱকৰ ৷ উল্লেখ্য যে, তিনিচুকীয়াৰ পৰা মালিগাঁও অভিমুখে গৈ থকা বিশেষ ৰে'লখনে যুৱকজনক মহতিয়াই নিয়াৰ ফলত থিতাতে মৃত্যু হয় যুৱকজনৰ।

ঘটনাৰ পিছতে স্থানীয় ৰাইজে অৱগত কৰে মৰিয়নী ৰে'ল আৰক্ষীক ৷ খবৰ পোৱা মাত্ৰেই ঘটনাস্থলীত আৰক্ষীৰ এটা দল উপস্থিত হৈ মৃতদেহটো উদ্ধাৰ কৰি মৰোনোত্তৰ পৰীক্ষাৰ বাবে প্ৰেৰণ কৰে ৷ বৰ্তমানলৈকে মৃত যুৱকজনৰ পৰিচয় চিনাক্ত হোৱা নাই ।

লগতে পঢ়ক-ডিব্ৰুগড়ত পুনৰ এজনৰ কৰ'ণাত মৃত্যু