কোন হ'ব বিজেপিৰ পৰৱৰ্তী সভাপতি?

গেৰুৱা দলৰ ভিতৰচৰাত আৰম্ভ পৰৱৰ্তী সভাপতি নিৰ্বাচনকেন্দ্ৰিক অংক ৷ অহা 15 ডিচেম্বৰত নিৰ্বাচিত হব বিজেপিৰ পৰৱৰ্তী সভাপতি ৷

গুৱাহাটী, 17 নৱেম্বৰ: অহা ডিচেম্বৰ মাহত অন্ত পৰিব বিজেপিৰ বৰ্তমানৰ সভাপতি ৰঞ্জিত দাসৰ কাৰ্যকাল ৷ ৰঞ্জিত দাসৰ পাছত এইবাৰ কোন হ'ব বিজেপিৰ সভাপতি? ইয়াকে লৈ এতিয়া ব্যাপক চৰ্চা চলিছে গেৰুৱা দলটোৰ ভিতৰচৰাত ৷ বুথ সমিতি, মণ্ডল সমিতিৰ নিৰ্বাচন পাছত অহা 15 ডিচেম্বৰত অনুষ্ঠিত হ'ব লগা সভাপতি নিৰ্বাচনক কেন্দ্ৰ কৰি হেঙাৰাবাৰীত এতিয়া আৰম্ভ হৈছে সভাপতি নিৰ্বাচনকেন্দ্ৰিক অংক ৷ ৰাজ্যিক বিজেপি পৰৱৰ্তী সভাপতি হিচাপে প্ৰথমতেই চৰ্চিত হৈছে মঙলদৈ সমষ্টিৰ প্ৰাক্তন সাংসদ তথা ৰাজ্যিক বিজেপিৰ প্ৰাক্তন সভাপতি ৰমেন ডেকাৰ নাম ৷ ইয়াৰ পাছতে সম্ভাব্য সভাপতিৰ তালিকাত অন্তৰ্ভূক্ত হৈছে মন্ত্ৰী ভবেশ কলিতা, মুখ্যমন্ত্ৰীৰ আইনী উপদেষ্টা শান্তনু ভৰালী আৰু জেষ্ঠ নেতা ফণীন্দ্ৰ নাথ শৰ্মাৰ নাম ৷ উল্লেখযোগ্য যে, বৰ্তমানৰ সভাপতি ৰঞ্জিত দাসৰ সভাপতি পদত বাহাল থকাৰ মন যদিও 21ৰ নিৰ্বাচনত দলে তেওঁক প্ৰাৰ্থী হিচাপে নিক্ষেপ কৰাৰ কথা ইতিমধ্যে চূড়ান্ত হৈছে ৷ গতিকে ৰাজ্যিক বিজেপিৰ পৰৱৰ্তী সভাপতি কোন হব তাক জানিবলৈ আমি অপেক্ষা কৰিব লাগিব 15 ডিচেম্বৰলৈ ৷

আৰু পঢ়ক:নাগৰিকত্ব সংশোধনী বিধেয়কক লৈ সৰৱ অখিল গগৈ