11 বজাৰ শীৰ্ষ দহটা বাতৰি:
ৰে’ল বিভাগত পুনৰ বহিঃৰাজ্যৰ যুৱকক নিযুক্তি
উত্তৰ পূৱ-সীমান্ত ৰে’লৱেৰ ৰঙিয়া মাণ্ডলিক ৰে’ল প্ৰবন্ধকৰ অধীনত ২৪ জনকৈ বহিঃৰাজ্যৰ যুৱকক নিযুক্তি দিয়াক লৈ সৃষ্টি হৈছে তীব্ৰ প্ৰতিক্ৰিয়াৰ ৷
চাপৰ আৰক্ষীৰ গুলীত আহত দুৰ্ধষ ডকাইত
শুকুৰবাৰে নিশা নিউ হাতিপোতা অঞ্চলত সাইদুল ইছলামক লৈ চাপৰ আৰক্ষী আৰু শালকোচা আৰক্ষীয়ে চলাইছিল অভিযান । আনহাতে অভিযান কালত আৰক্ষীৰ চকুত ধুলি দি পলাই যাবলৈ অপচেষ্টা চলাইছিল ইছলামে। যাৰফলত বাধ্য হৈ আৰক্ষীয়ে গুলীচালনা কৰিবলগীয়া হৈছিল ৷
ধুবুৰীৰ বিধায়ক নজৰুল হকক প্ৰত্যাহ্বান প্ৰাক্তন বিধায়ক জাহান উদ্দিনৰ
ধুবুৰীত এম জি এনেৰেগা আঁচনি (MGNREGA) ৰূপায়ণৰ নামত কোটি কোটি টকাৰ দুৰ্নীতিৰ অভিযোগ প্ৰাক্তন বিধায়ক জাহান উদ্দিনৰ। বৰ্তমানৰ বিধায়ক নজৰুল হকক দুৰ্নীতিৰ সম্ৰাট আখ্যা জাহানৰ । তদানীন্তন উপায়ুক্ত অনন্তলাল জ্ঞানীকে আদি কৰি জিলাখনৰ কেইবাজনো শীৰ্ষ বিষয়ালৈ দুৰ্নীতি কৰাৰ অভিযোগৰ আঙুলি প্ৰাক্তন বিধায়কগৰাকীৰ ।
পত্নী-পুত্রৰ সৈতে নিশা কটাই পুৱাই মাতৃৰ কাষলৈ ঢাপলি মেলিলে অখিল গগৈয়ে
ডেৰ বছৰৰ দীঘলীয়া সময়ৰ অন্তত পৰিয়ালৰ সৈতে মিলন অখিল গগৈ(AKHIL GOGOI)ৰ । শুকুৰবাৰে গুৱাহাটীৰ নিজৰাপাৰস্থিত ঘৰত উপস্থিত হৈ নিশা কটালে পত্নী আৰু পুত্ৰৰ লগত । শনিবাৰে পুৱাই যোৰহাটত থকা মাতৃ প্ৰিয়দা গগৈৰ ওচৰলৈ ঢাপলি মেলিলে অখিল গগৈয়ে ।