পুৱা 11 বজাৰ শীৰ্ষ দহটা বাতৰি

পুৱা 11 বজাৰ শীৰ্ষ দহটা বাতৰি

যোৰহাটত বিদায় অনুষ্ঠানত আৱেগিত হৈ পৰিল লুৰিণজ্যোতি গগৈ

যোৰহাটত লুৰিণজ্যোতি গগৈৰ বিদায় অনুষ্ঠান । শতাধিক লোকৰ উপস্থিতিত অনুষ্ঠিত হয় এই সম্বৰ্ধনা অনুষ্ঠান ৷ এই অনুষ্ঠানত আৱেগিক হৈ পৰে লুৰিণজ্যোতি গগৈ ৷

কংগ্ৰেছত যোগদান প্ৰাক্তন বিজেপি-এআইইউডিএফৰ দুই নেতাৰ

আজি কমিগঞ্জত অনুষ্ঠিত হ'ব এখন কৰ্মী সভা ৷ এই সভাতেই কংগ্ৰেছত যোগদান কৰিব ৰাতাবাৰীৰ প্ৰাক্তন বিজেপি বিধায়ক শম্ভু সিং মাল্লা আৰু কৰিমগঞ্জ জিলাৰ প্ৰাক্তন এআইইউডিএফৰ সভাপতি আব্দুল মালিক চৌধুৰীয়ে ৷

শিৱসাগৰত ভয়ংকৰ অগ্নিকাণ্ডত ভস্মীভূত দোকান-ঘৰ

শিৱসাগৰত ভয়ংকৰ অগ্নিকাণ্ডত ভস্মীভূত দোকান-ঘৰ ৷ নগৰৰ খাটপথাৰত 5 খন দোকান আৰু 3 টা ঘৰ সম্পূৰ্ণৰূপে ভষ্মীভূত হয় ।

আজি দুদিনীয়া ভ্ৰমণসূচীৰে বৰাকত উপস্থিত হ'ব জীতেন্দ্ৰ সিং

আজি দুদিনীয়া ভ্ৰমণসূচীৰে বৰাক উপত্যকাত উপস্থিত হ'ব নিখিল ভাৰত কংগ্ৰেছ কমিটিৰ সম্পাদক জীতেন্দ্ৰ সিং ৷ 7 ডিচেম্বৰত তেওঁ ডিমা হাছাওলৈ ৰাওনা হ'ব ৷

বিজেপিক এক বৃহৎ তিমি মাছৰ লগত তুলনা কংগ্ৰেছ-এআইইউডিএফৰ

শুকুৰবাৰে ৰঙিয়াৰ উলুবাৰীত কংগ্ৰেছ আৰু এআইইউডিএফৰ যৌথ নিৰ্বাচনী সভাত ভাগ লয় প্ৰদেশ কংগ্ৰেছৰ সভাপতি ৰিপুণ বৰা আৰু এআইইউডিএফৰ সভাপতি বদৰুদ্দিন আজমলকে ধৰি দুয়োটা দলৰ শীৰ্ষ নেতৃত্বই ৷ সভাত বিজেপি আৰু ড৹ হিমন্ত বিশ্ব শৰ্মাক তীব্ৰ সমালোচনা কৰে দুয়োটা দলে ৷

ডিব্ৰুগড় অনাতাঁৰ কেন্দ্ৰ আৰু দূৰদৰ্শন কেন্দ্ৰক কেৱল ৰীলে চেন্টাৰলৈ পৰিৱৰ্তিত কৰিবলৈ লোৱা সিদ্ধান্ত সন্দৰ্ভত কেন্দ্ৰীয় তথ্য আৰু সম্প্ৰচাৰ মন্ত্ৰী প্ৰকাশ জাভেদকাৰলৈ এখন গুৰুত্বপূৰ্ণ পত্ৰ প্ৰেৰণ মুখ্যমন্ত্ৰী সোণোৱালৰ ৷

চিৰাঙৰ আমগুৰিত ১৬ নং নিচিমা পৰিষদীয় সমষ্টিৰ বিপিএফৰ নিৰ্বাচনী সভাত মন্ত্ৰী চন্দন ব্ৰহ্ম । সভাত মন্ত্ৰী চন্দন ব্ৰহ্মই সতীৰ্থ মন্ত্ৰী হিমন্ত বিশ্ব শৰ্মাক কটাক্ষ কৰি কয় য়ে, বিটিচি হিমন্তৰ পৈতৃক সম্পত্তি নহয় যে ইয়াত যধে-মধে যি মন তাকে কৰিব ।

বাক্সাৰ মথনগুৰি সমষ্টিত কংগ্ৰেছ-এআইইউডিএফ মিত্ৰজোঁটৰ বিশাল নিৰ্বাচনী সভা ৷ সভাত উপস্থিত এআইইউডিএফ প্ৰধান মৌলানা বদৰুদ্দিন আজমল, অসম প্ৰদেশ কংগ্ৰেছৰ সভাপতি ৰিপুন বৰা, কংগ্ৰেছ নেতা ৰকিবুল হুছেইন, কংগ্ৰেছ নেতা প্ৰদ্যুৎ বৰদলৈ ৷

ৰায়গড় আৰক্ষীয়ে ৰিপাব্লিক টিভিৰ মুখ্য সম্পাদক অৰ্ণৱ গোস্বামী আৰু অন্য দুজন লোকৰ বিৰুদ্ধে আত্মহত্যাৰ বাবে উচতনি দিয়াৰ অভিযোগত 2018 চনত ৰুজু হোৱা এক গোচৰ সন্দৰ্ভত চাৰ্জ শ্বীট দাখিল কৰে ৷ এই চাৰ্জ শ্বীট ৰায়গড় জিলাৰ আলিবাগৰ এখন আদালতত দাখিল কৰা হৈছে ৷

পুনৰ গুৱাহাটী মহানগৰীত মহিলা নিৰ্যাতনৰ ঘটনা সংঘটিত হৈছে । মহানগৰীৰ মালিগাঁৱৰ পশ্চিম গোটানগৰত পত্নীক চোকা অস্ত্ৰৰে মৃত্যুৰ ভাবুকি স্বামীৰ । ৰুবুল চৌধুৰী নামৰ এগৰাকী লোকৰ বিৰুদ্ধে পত্নীয়ে উত্থাপিত কৰিছে এই অভিযোগ ।