পুৱা 11 বজাৰ শীৰ্ষ দহটা বাতৰি

পুৱা 11 বজাৰ শীৰ্ষ দহটা বাতৰি

নৱপত্ৰিকা অনুষ্ঠানেৰে আৰম্ভ মহিষমৰ্দিনীৰ সপ্তমী পূজা

বহু অপেক্ষাৰ অন্তত ধৰাৰ বুকুলৈ নামি আহিল মহিষমৰ্দিনী দেৱী দুৰ্গা ৷ ষষ্ঠী তিথিত বোধন আমন্ত্ৰণ আৰু দেৱীক পূজাৰ বেদীত প্ৰতিষ্ঠা কৰাৰ পাচত আজি মহাসপ্তমী ৷ মহাসপ্তমীৰ দিনটোকেই দুৰ্গা পূজাৰ প্ৰথমটেো দিন হিচাপে ধৰা হয় ৷

অৱশেষত নিলম্বন হ'ল কুমাৰ সঞ্জিৎ কৃষ্ণ

গ্ৰেপ্তাৰৰ এসপ্তাহৰ পাচত চাকৰিৰ পৰা নিলম্বিত হ'ল আৰক্ষী অধীক্ষক কুমাৰ সঞ্জিৎ কৃষ্ণ । মুখ্যমন্ত্ৰী সৰ্বানন্দ সোণোৱালে বৃহস্পতিবাৰে কুমাৰ সঞ্জিৎ কৃষ্ণৰ নিলম্বনৰ ফাইলত অনুমোদন জনায় ৷

ডুমডুমাৰ হাপজানত ৬ বছৰীয়া শিশুক ধৰ্ষণ কৰি হত্যা

ডুমডুমাৰ হাপজানত এগৰাকী 6 বছৰীয়া কিশোৰীক ধৰ্ষণ কৰি হত্যা কৰাৰ ঘটনা সংঘটিত হয় ৷ ঘটনাৰ সৈতে জড়িত থকাৰ সন্দেহত দিলীপ মাৰাণ্ডী নামৰ এজন যুৱকক ৰাইজে কৰায়ত্ত কৰি আৰক্ষীক চমজাই দিয়ে ৷

ঋত্বিক ৰোশনৰ মাতৃ ক'ভিড-19 ত আক্ৰান্ত

অভিনেতা ঋত্বিক ৰোশনৰ মাতৃ পিনি ৰোশন শেহতীয়াকৈ ক'ভিড-19 ত আক্ৰান্ত হৈছে ৷ বৰ্তমান তেওঁ হোম কোৱাৰেন্টাইন হৈ থকা বুলি জানিব পৰা গৈছে ৷

নিৰ্বাচনৰ দিন চমু চাপি অহাৰ লগে লগে ক্ৰমাৎ বৃদ্ধি পাইছে হোৱাইট হাউছ দখলৰ যুঁজ ৷ বৃহস্পতিবাৰৰ বিতৰ্কত বহুতো গুৰুত্বপূৰ্ণ বিষয় সন্দৰ্ভত আলোচনা ৰাষ্ট্ৰপতি ড'নাল্ড ট্ৰাম্প আৰু ডেমক্ৰেটিক চেলেঞ্জাৰ জ' বিডেনৰ ৷

বিহাৰ বিধানসভা নিৰ্বাচনলৈ এসপ্তাহ বাকী থকা অৱস্থাত বিহাৰত তুংগত উঠিছে নিৰ্বাচনী প্ৰচাৰ ৷ কংগ্ৰেছৰ নেতা ৰাহুল গান্ধীয়ে এতিয়াও নিৰ্বাচনী প্ৰচাৰত অংশগ্ৰহণ কৰা নাই যদিও মহাজোঁট বন্ধনক সন্মুখৰ পৰা নেতৃত্ব দিছে মুখ্যমন্ত্ৰী পদৰ প্ৰক্ষেপিত প্ৰাৰ্থী তেজস্বী যাদৱে ৷

ফেচবুকলৈ চমন জাৰি জম্মু-কাশ্মীৰ চৰকাৰৰ ৷ তথ্য প্ৰযুক্তি আইন 2020 ৰ অধীনত অনলাইন ঠগ প্ৰৱঞ্চক কেলেংকাৰীৰ তদন্ত কৰিবলৈ এই চমন জাৰি ৷ 12 নৱেম্বৰত কাৰ্যালয়ত উপস্থিত হ'বলৈ নিৰ্দেশ ফেচবুকৰ পৰিচালক তথা আন বিষয়াক ৷

আইন শৃংখলা নিয়ন্ত্ৰণকাৰী সংস্থাই জালিয়াতিৰে এখন দেশৰ আভ্যন্তৰত থকাৰ অভিযোগত ভাৰতৰ 11 গৰাকী শিক্ষাৰ্থী সহিতে মুঠ 15 গৰাকী শিক্ষাৰ্থীক গ্ৰেপ্তাৰ কৰে ৷ জালিয়াতিৰে আমেৰিকাত থকাৰ অভিযোগত 11 জনকৈ ভাৰতীয় শিক্ষাৰ্থীৰ লগতে দুজন লিবিয়ান, এজন ছেনেগাল আৰু এজন বাংলাদেশী শিক্ষাৰ্থীক গ্ৰেপ্তাৰ কৰে ৷

বৰপেটাত ঘোচ দিবলৈ আহি হাতে-লোটে গ্ৰেপ্তাৰ হ'ল এগৰাকী কনিষ্ঠ অভিযন্তা ৷ আৰক্ষীৰ জালত পৰা বৰপেটাৰ জনস্বাস্থ্য কাৰিকৰী বিভাগৰ কনিষ্ঠ অভিযন্তাগৰাকী নাছিৰুদ্দিন আহমেদ ৷

ভাৰতীয় বায়ুসেনাৰ প্ৰথমগৰাকী মহিলা বিষয়া, উইং কামাণ্ডাৰ (অৱসৰপ্ৰাপ্ত) বিজয়লক্ষ্মী ৰমণনৰ দেহাৱসান ৷ 96 বছৰ বয়সত বাংগালুৰুত শেষ নিশ্বাস ত্যাগ কৰে ভাৰতীয় বায়ুসেনাৰ প্ৰথমগৰাকী মহিলা বিষয়াই ৷