বিজেপিলৈ বঙালী যুৱ ফেডাৰেচনৰ সুকুমাৰ বিশ্বাস
সংবাদমেল অনুষ্ঠিত কৰি বঙালী যুৱ ফেডাৰেচনৰ পৰা অব্যাহতি লৈ শুকুৰবাৰে বিজেপিত যোগদানৰ কথা ঘোষণা সুকুমাৰ বিশ্বাসৰ
গুৱাহাটী,4এপ্ৰিলঃবৃহস্পতিবাৰে দিছপুৰ প্ৰেছ ক্লাৱত এক সংবাদমেলৰ আয়োজন কৰি ৰাজনৈতিক জীৱন আৰম্ভ কৰাৰ কথা ঘোষণা কৰে সুকুমাৰ বিশ্বাসে । সংবাদমেলত বিশ্বাসে বাঙালী সংগঠনৰ পৰা অব্যাহতি লৈ শুকুৰবাৰে গেৰুৱা বসন পিন্ধাৰ কথা উল্লেখ কৰে । ইপিনে সুকুমাৰ বিশ্বাসে ৰাজনৈতিক দলত যোগদান কৰাৰ পূৰ্বে বৃহস্পতিবাৰে আনুষ্ঠানিকভাৱে সদৌ অসম বঙালী যুৱ ফেডাৰেচনৰ মুখ্য উপদেষ্টা পদৰ পৰা অব্যাহতি লোৱাৰ কথা ঘোষণা কৰে ৷ সঘনাই বঙালী সংগঠনৰ হৈ মাত মাতি অহা নেতাগৰাকীৰ এনে ঘোষণাৰ পাচতকেনেধৰণৰ প্ৰতিক্ৰিয়া প্ৰকাশ পায় সেইয়া পৰৱৰ্তী সময়ত হে লক্ষণীয় হ'ব ৷